Сӕрыстыр дӕн сахъат адӕмы хъаруйӕ: Хуссар Ирӕй архайӕг форум "Без границ 2021"-ы тыххӕй

© Photo : Из личного архива Анны ТедеевойФорум "Без границ 2021"
Форум Без границ 2021 - Sputnik Хуссар Ирыстон, 1920, 07.06.2021
Мадзал цӕуы Тӕмискъы. Хӕххон хъӕу ӕрфысым кодта Цӕгат Ирыстон, Абхаз, Хуссар Ирыстон ӕмӕ ӕндӕр Цӕгат Кавказы республикӕты

ЦХИНВАЛ, 7 июн – Sputnik, Плиты Фатимӕ. Хуссар Ирыстоны минӕвӕрттӕ хайад исынц ӕппӕтуӕрӕсейон ахуырадон фӕсивӕдон инклюзивон форум "Без границ 2021"-ы. Ӕрыгон фӕлтӕрты фембӕлдтӕ Цхинвалӕй ацыдысты ХИПУ ӕмӕ скъола-интернаты минӕвӕрттӕн.

Мадзал цӕуы Тӕмискъы. Хӕххон хъӕу ӕрфысым кодта Цӕгат Ирыстон, Абхаз, Хуссар Ирыстон ӕмӕ ӕндӕр Цӕгат Кавказы республикӕты. Архайы дзы 230 адӕймаджы, сӕ нымӕцы къуындӕг авналӕнтимӕ фӕсивӕд.

Форумы архайӕг, ХИПУ-йы студенткӕ Тедеты Аннайы ныхӕстӕм гӕсгӕ, ацы рӕстӕджы уыдонӕн ӕввахсдӕр ссисты сахъат адӕмы зындзинӕдтӕ.

"Форум фӕивта мӕ дунеӕмбарынад. Раздӕр дӕр зыдтам, цӕгаткавказаг регионты кӕй ис сахъат адӕм, фӕлӕ ныр сӕ зындзинӕдтӕ ӕмбарӕм хуыздӕр. Мах хъуамӕ саразӕм ацы дуне уыдонӕн ӕнцонвадат", - радзырдта уый.

Аннайы ныхӕстӕм гӕсгӕ, уый сӕрыстыр у сахъат адӕмы хъаруйӕ.

© Photo : Из личного архива Анны ТедеевойФорум "Без границ 2021"
Форум Без границ 2021 - Sputnik Хуссар Ирыстон
1/2
Форум "Без границ 2021"
© Photo : Из личного архива Анны ТедеевойФорум "Без границ 2021"
Форум Без границ 2021 - Sputnik Хуссар Ирыстон
2/2
Форум "Без границ 2021"
1/2
Форум "Без границ 2021"
2/2
Форум "Без границ 2021"

"Тынг ӕхсызгон у семӕ ныхас кӕнын, тӕригъӕд кӕнын сын нӕ хъӕуы. Лӕппу, кӕцыйӕн ис къӕхтимӕ проблемӕ, лӕууы йӕ къухы ӕнгуылдзтыл, иннӕ цӕгъды пианинойыл", - дзуры Тедеты Анна.

Организаторты хъусинагмӕ гӕсгӕ, форумы нывӕзты ис ахуырадон тренингтӕ, фембӕлдтӕ зындгонд спортсментӕ ӕмӕ ӕхсӕнадон архайджытимӕ. Форумы архайджытимӕ ма ахуыр кӕнынц проекттӕ цӕттӕ кӕнын Уӕрӕсейы конкурсты хайад исынӕн. Форму балхынц уыдзӕн абон, 7 июны.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала