ЦХИНВАЛ, 17 июн – Sputnik, Гӕбӕраты Элина. Хуссар Ирыстоны столицӕйы фыццаг хатт ацӕудзӕн ахорӕнты фестиваль "Арвырон" – индиаг бӕрӕгбон "Холи"-йы аналог. Мадзалы организатор Тасойты Игорь куыд радзырдта Sputnik, афтӕмӕй фестиваль ауадзыны хъуыды фӕзынд фарон.
Мадзал нывӕндынц ауадзын столицӕйы централон фӕзуатыл фидӕн мӕйы райдайӕны.
"Фестивалы фӕлгӕтты ма ацӕудзӕн концерт ӕмӕ дискотекӕ", - банысан кодта Тасойты Игорь.
Афтӕ ма уый бахахх кодта, бӕрӕгбонӕн ахорӕнтӕ ныридӕгӕн балхӕдтой, уыдон зиан нӕ хӕссынц, пигмент та ӕнцонтӕй ӕхсад цӕуы дарӕсӕй.
2020 азы фестиваль цалдӕр хатт аргъӕвтой коронавирусы пандемийы аххосӕй.
