ЦХИНВАЛ, 18 июн — Sputnik, Козаты Диана. Цхинвалы вокзалгӕрон уынджы уӕвӕг 17-ӕм сабидон "Фӕрдыг"-ы бакодтой карантин, фехъусын кодтой Sputnik ахуырады министрады пресс-службӕйы.
Уынаффӕ рахастӕуыд, уагдоны хъомылгӕнинӕгты хсӕн рынчынты нымӕц кӕй ахызт 20 процентӕй, уый тыххӕй.
"Хъомылгӕнджыты хсӕн рынчынтӕ нӕй, ӕрмӕст сывӕллӕтты хсӕн. Фӕстаг бон дзы уыд ӕрмӕст 26 сабийы, уымӕ гӕсгӕ аскъуыддзаг кодтой сабидоны дыууӕ къуырийы ӕмгъуыдмӕ карантин бакӕнын", - загътой пресс-службӕйы.
Уагдоны ма бафтыдтой, ацы рӕстӕджы хатӕнтӕ кӕй цӕудзысты дезинфекци.
