ЦХИНВАЛ, 22 июн – Sputnik, Хъуылымбегты Зӕлинӕ. Хуссар Ирыстоны иу суткӕмӕ коронавирус сбӕрӕг кодтой фондз адӕймагӕн, фехъусын кодта Sputnik республикӕйы сӕйраг санитарон дохтыр Коцты Марина.
"Ивгъуыд суткӕйы сарӕзтам 50 тесты COVID-19 рабӕрӕг кӕныны фӕдыл, уыдонӕй фондзӕн разынд ӕвӕрццаг фӕстиуӕг", - загъта Коцты Марина.
Уый бафтыдта, къуырисӕры медицинон хыгъдӕй кӕй систой ӕртӕ адӕймаджы, дохтырты хъусдарды бын ма ис 48 пациенты.
Пандемийы райдайӕнӕй уагдоны ПЦР-лабораторийы ӕдӕппӕт сарӕзтой 23 610 тесты коронавирус рабӕрӕг кӕныны фӕдыл. Инфекци COVID-19 бахӕцыд 3402 адӕймагыл, уыдонӕй сӕнӕниз сты 3354 адӕймаджы.
