Хуссар Иры Ӕнӕниздзинад хъахъхъӕнынады министрады радзырдтой, куыд цӕуы вакцинаци

© Sputnik / Павел Бедняков /  Ахизын медиабанкмæВакцинаци
Вакцинаци - Sputnik Хуссар Ирыстон, 1920, 23.06.2021
Рафыссын
Коронавирусы ныхмӕ вакцинаци цӕуы республикон бирӕпрофилон медицинон центры ӕмӕ районты дӕр

ЦХИНВАЛ, 23 июн — Sputnik, Плиты Фатимӕ. Хуссар Ирыстоны мин адӕмагӕй фылдӕр бацыд республикон бирӕпрофилон медицинон центрмӕ коронавирусы ныхмӕ вакцинаци рацӕуыны тыххӕй, уыдон радтой туг, цӕмӕй сбӕлвырд кӕной уыдысты рынчын ӕви нӕ, фехъусын кодта Sputnik Ӕнӕниздзинад хъахъхъӕнынады министрады пресс-службӕйы.

Сӕ бӕрӕггӕнӕнтӕм гӕсгӕ, басгӕрсты фӕстиуӕгӕн вакцинӕ сарӕзтой 270 адӕймаджы республикӕйы.

"Бӕрӕггӕнӕнтӕм гӕсгӕ, 22 июны онг антителатӕ сбӕрӕг кӕныны тыххӕй туг радтой 1 162 адӕймаджы. Сӕ хатдзӕгтӕм гӕсгӕ 270 сарӕзтой Спутник V-йы фыццаг компонент, дыккаг та сарӕзтой 137 адӕймаджы", - загътой уагдоны.

Уым ма бафтыдтой, вакцинаци цӕуы куыд столицӕйы, афтӕ республикӕйы районты дӕр.

Хуссар Ирыстоны Ӕнӕниздзинад хъахъхъӕнынады министрад самал кодта уӕрӕсейаг вакцина коронавирусы ныхмӕ. Уагдоны ныфс дӕттынц, хос фаг кӕй ис республикӕйы.

Ног хабӕртты лентӕ
0