ЦХИНВАЛ, 25 июн — Sputnik, Плиты Фатимӕ. Хуссар Ирыстоны столицӕйы ссардтой ӕвзонг чызджы мӕрдон буар, фехъусын кодтой Sputnik Генералон прокуратурӕйы.
Ӕнамонд цау ӕрцыд цыппӕрӕм изӕры.
"24 июны Цхинвалы Лужковы уынгыл ссардтой 1996 азы гуырд чызджы мӕрдон буар. Бынатмӕ бацыд генералон прокуратурӕйы слестгӕнӕн хайады сгарӕг", - загътой уагдоны.
Уым ма бафтыдтой, цауы лыстӕгдзинӕдтӕ кӕй рабӕрӕг уыдзысты басгӕрсты фӕстӕ.
"Мӕлӕты аххосаг нырма бӕрӕг нӕу, цауы фӕдыл нысан ӕрцыд тӕрхондон-медицинон экспертиза. Уадзынц сгарӕн куыстытӕ", - бафтыдтой уагдоны.
