Цхинвалы микрорайон "Шанхай"-ы аиуварс кодтой газы хӕтӕлтыл авари

© PixabayГаз
Газ - Sputnik Хуссар Ирыстон, 1920, 28.06.2021
Рафыссын
Газы службӕйы кусджытӕ сцалцӕг кодтой газы хӕтӕлыл авари Санахъоты Геннадийы уынджы фадыгыл, кӕцыйы тыххӕй цалдӕр хӕдзары цӕрджытӕ дыууӕ мӕймӕ ӕввахс баззадысты ӕнӕ газӕй

ЦХИНВАЛ, 28 июн — Sputnik, Хъуылымбегты Азӕмӕт. Цхинвалы микрорайон "Шанхайы" кӕцыдӕр хӕдзӕртты газифтонгад сног ис ӕххӕстбӕрцӕй, фехъусын кодта Sputnik газифтонгады службӕйы хистӕр Табуты Нугзар.

Цхинвалы микрорайоны цӕрджытӕ баззадысты ӕнӕ газӕйы газифтонгады линийыл срӕмыгъды аххосӕй - Sputnik Хуссар Ирыстон, 1920, 11.05.2021
Цхинвалы микрорайоны цӕрджытӕ баззадысты ӕнӕ газӕй линийыл срӕмыгъды аххосӕй

"Мах иууылдӕр раивтам хӕтӕлтӕ, сӕвӕрдтам цӕрджытӕн ног хынцӕгтӕ ӕмӕ ныр алцыдӕр кусы стабилонӕй", - загъта Табуты Нугзар.

Газы хӕтӕлыл авари ӕрцыд 8 майы - цалцӕггӕнӕн куыстыты рӕстӕджы дзы ӕрцыд срӕмыгъд. Уый фӕстӕ микрорайоны цӕрджытӕ райдыдтой дзурын ӕмбӕлон службӕтӕм, газ кӕй хъуызы, уый тыххӕй. Уагдоны куыд банысан кодтой, афтӕмӕй специалисттӕ аскъуыддзаг кодтой газ ахицӕн кӕнын уынгыл, уымӕн ӕмӕ хӕтӕлтӕ ӕрцыдысты ӕдзӕллаг уавӕрмӕ.

Ног хабӕртты лентӕ
0