Хуссар Иры 400-йӕ фылдӕр адӕймаджы сарӕзтой вакцинӕ "Спутник V"

Рафыссын
Коронавирусы ныхмӕ препараты дыууӕ компонент дӕр ӕрластой республикӕмӕ апрелы кӕрӕтты. Ӕмбӕстӕгтӕ фыццаг прививкӕтӕ райстой майы райдайӕны

ЦХИНВАЛ, 2 июл – Sputnik, Тъехты Дзерассӕ. Хуссар Ирыстоны уӕрӕсейаг вакцинӕ "Спутник V" сарӕзтой цыппар сӕдӕйӕ фылдӕр адӕймаджы, фехъусын кодта Sputnik республикӕйы ӕнӕниздзинад хъахъхъӕнынады министр Наниты Сослан.

Хуссар Иры президент сарæзта уæрæсейаг вакцина Спутник V коронавирусы ныхмæ - Sputnik Хуссар Ирыстон, 1920, 25.06.2021
Хуссар Иры президент сарæзта уæрæсейаг вакцина "Спутник V" коронавирусы ныхмæ

"Прививкӕтӕ ӕдӕппӕт сарӕзтой 434 адӕймаджы. Уыдонӕй 191 адӕймагӕн сарӕзтой вакцинӕйы фыццаг ӕмӕ дыккаг компонент дӕр", - банысан кодта министр.

Наниты Сослан бафтыдта, зӕгъгӕ, вакцинацийы период антителаты фӕдыл туг радтой 1 975 адӕймаджы, уыдонӕй 1 541 адӕймагӕн сбӕрӕг кодтой антителатӕ коронавирусмӕ.

Хуссар Ирыстоны вакцинаци уадзынц уӕрӕсейаг препарат "Спутник V"-йӕ. Уӕрӕсейаг вакцинӕйы парти "дыууӕ мин дозӕйы" ӕрластой республикӕмӕ апрелы кӕрӕтты, вакцинацийы кампани та райдыдта 3 майы.

Ног хабӕртты лентӕ
0