ЦХИНВАЛ, 7 июл - Sputnik. Июны Хуссар Ирыстоны паддзахадон арӕны алыгъуызон фадгуыты ӕрурӕдтой 32 арӕнхалӕджы, майы аналогион фехӕлдты тыххӕй ӕрурӕдтой 36 адӕймаджы, фехъусын кодтой ӕртыццӕджы Паддзахадон ӕдасдзинады комитеты (ПӔК).
Паддзахадон арӕны режим фехӕлдтой 11 адӕймаджы, арӕнгӕрон режим та 21 адӕймаджы.
"12 адӕймаджы фӕивар кодтой, фондзы феддӕдуар кодтой республикӕйӕ ӕнӕ иварон сакцитӕй, ноджы 15 та бафӕдзӕхстой", - банысан кодтой комитеты.
Уагдоны ма бахахх кодтой, Гуырдзыстоны эпидемиологон уавӕр кӕй февзӕрдӕр, афтӕ ма республикӕмӕ коронавирусы индиаг штамм ма рбауадзыны нысанӕн ПӔК Арӕнгӕрон службӕ рекомендаци кӕны арӕнгӕрон цӕрӕг пунктты цӕрджытӕн, цӕмӕй ма контакт кӕной арӕнхалджытимӕ, афтӕ ма ӕххуыс кӕной паддзахадон арӕн бахъахъхъӕныны фарстыты.
Уымӕй дарддӕр, Арӕнгӕрон службӕ фехъусын кодта, зӕгъгӕ, республикӕйы цӕрджытӕ ӕмӕ уазджытӕ арӕнгӕрон зонӕйы улӕфӕн бынӕттӕм куы цӕуой, уӕд семӕ хъуамӕ уой бӕлвырдгӕнӕн документтӕ.
