Хуссар Иры дарддӕр кусы "тӕвд хахх" коронавирусы фӕдыл

© Sputnik / Рамиль Ситдиков / Ахизын фотобанкмӕХуссар Иры дарддӕр кусы "тӕвд хахх" коронавирусы фӕдыл
Хуссар Иры дарддӕр кусы тӕвд хахх коронавирусы фӕдыл - Sputnik Хуссар Ирыстон, 1920, 08.07.2021
Алыгъуызон информацийы фӕдыл республикӕйы цӕрджытӕн фадат ис бадзурын "тӕвд хӕххытӕм", кӕцытӕ кусынц Ӕнӕниздзинад хъахъхъӕнынады министрад ӕмӕ Югосетпотребнадзоры дӕлбар

ЦХИНВАЛ, 8 июл – Sputnik, Козаты Диана. Хуссар Ирыстоны ӕмбӕстӕгтӕн нырма дӕр фадат ис бадзурын коронавирусы фӕдыл информацийы тыххӕй "тӕвд хаххы" номыртӕм.

Ирон хъазт  - Sputnik Хуссар Ирыстон, 1920, 06.07.2021
Хуссар Иры коронавирусы тыххӕй аивтой "Ирон хъазт" ӕмӕ Ахорӕнты фестиваль

"Тӕвд хаххы" номыр скуыста фарон уалдзӕджы. Уӕд республикӕйы нырма нӕ уыд коронавирусӕй рынчынтӕ, арӕнтӕ уыдысты ӕхгӕд, бӕстӕйы та уыд карантин. Фӕлӕ уӕддӕр адӕм дзырдтой оператормӕ коронавирусы фӕдыл профилактикӕйы тыххӕй, цымыдис сӕ кодта республикӕмӕ ӕрцӕуыны фӕтк дӕр.

"Нӕ "тӕвд хаххы" номыртӕ (810-60-96, 805-88-96) нӕ ӕрурӕдтой сӕ куыст. Цӕрджытӕн фадат ис бадзурын нӕ специалисттӕм коронавирусы профилактикӕйы фарстыты фӕдыл, афтӕ ма ӕндӕр информаци райсыны фӕдыл дӕр", - загъта сӕйраг санитарон дохтыр Коцты Марина.

"Тӕвд хаххы" номыртӕ ис Ӕнӕниздзинад хъахъхъӕнынады министрады дӕр. Республикӕйы цӕрджытӕн сӕ бон у уырдӕм бадзурын алы фарсты фӕдыл дӕр.

"Министрады ис РБМЦ радгӕсон администраторы номыртӕ (812-03-03), афтӕ ма дзы ис коронавирусон инфекцийы фарсты фӕдыл "тӕвд хаххы" номыр (810-30-97). "Тӕвд хаххы" номыр ис инфекцион хайады дӕр (808-79-48)", - хъусын кӕны Ӕнӕниздзинад хъахъхъӕнынады министрады пресс-службӕ.

Фӕстаг бонты республикӕйы фылдӕр кӕны коронавирусӕй рынчынкӕнынад. Цхинвалы ацыд коронавирусы ныхмӕ тох кӕныны фӕдыл оперативон штабы рабадт, кӕцыйы рӕстӕджы бакодтой цалдӕр арӕнӕвӕрды.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала