ЦХИНВАЛ, 9 июл — Sputnik, Гӕбӕраты Элина. Хуссар Ирыстоны Знауыры районы коммуналон службӕтӕ бавнӕлдтой фӕндаджы цалцӕгмӕ, кӕцы цӕуы Арӕнгӕрон хъӕумӕ (Ионча).
Районы администрацийы пресс-секретарь Оттаты Алена куыд радзырдта Sputnik, афтӕмӕй цӕрӕг пункты цӕры цыппар бинонтӕ – хъӕуы адӕмы бахъӕуы цӕуын сӕ хӕдзӕрттӕм ӕндӕр фӕндагыл, уымӕн ӕмӕ сӕйраг трассӕ ис ӕвзӕр уавӕры.
"Кусджытӕ ныридӕгӕн ныккалдтой хуыр фӕндагыл, кӕцыйы дӕргъ у цыппар километрмӕ ӕввахс. Уый цӕттӕ уыдзӕн эксплуатацимӕ цалдӕр боны фӕстӕ", - банысан кодта пресс-секретарь.
Оттаты Алена бафтыдта, зӕгъгӕ, ӕввахс рӕстӕджы районы хицауад нывӕнды аскъуыддзаг кӕнын донифтонгадимӕ проблемӕ дӕр.
