Цхинвалы ӕртыккӕгӕм скъола байгом уыдзӕн ног ахуырадон азы райдайӕнмӕ

© SputnikЦхинвалы ӕртыккӕгӕм скъола
Цхинвалы ӕртыккӕгӕм скъола - Sputnik Хуссар Ирыстон, 1920, 12.07.2021
Ахуырадон азы райдайӕнмӕ ӕртыккӕгӕм астӕуккаг скъола ратдзысты эксплуатацимӕ. Ныртӕккӕ уагъд цӕуынц фасадон куыстытӕ

ЦХИНВАЛ, 12 июл — Sputnik, Хъуылымбегты Азӕмӕт. Цхинвалы ӕртыккӕгӕм астӕуккаг скъола ратдзысты эксплуатацимӕ ног ахуырадон азы райдайӕнмӕ, фехъусын кодта Sputnik арӕзтады министрады минӕвар Къацты Сослан.

"Арӕзтадон объекты архайынц 27 кусӕджы. Куыстытӕ сты кӕронбӕттӕн этапыл", - загъта Къацты Сослан.

Хуссар Иры арӕзтады министрады радзырдтой ӕдасдзинады техникӕйы тыххӕй арӕзтадон фӕзуӕттыл - Sputnik Хуссар Ирыстон, 1920, 06.07.2021
Хуссар Иры арӕзтады министрады радзырдтой ӕдасдзинады техникӕйы тыххӕй арӕзтадон фӕзуӕттыл
Йӕ ныхӕстӕм гӕсгӕ, уый фӕстӕ кусджытӕ бавналдзысты территорийы хӕрзарӕзтадмӕ.

Къацты Сослан бафтыдта, зӕгъгӕ, проектмӕ гӕсгӕ скъолайы уыдзӕн актон зал, хӕрӕндон, библиотекӕ ӕмӕ кӕсӕн зал.

"Афтӕ ма дзы уыдзӕн музейон хатӕн ӕмӕ лифт низӕфхӕрд адӕмӕн", - банысан кодта министрады минӕвар.

Зӕронд аварион бӕстыхай, кӕцы арӕзт ӕрцыд 1939 азы, ныппырх кодтой ивгъуыд азы кӕрон, йӕ бынаты сцайдагъ сты арӕзтадон куыстытӕ. Ног бæстыхай арæзт цæуы 2020-2022 æзты инвестицион нывæзты фæлгæтты. Ӕртæуæладзыгон скъола нымад у 200 ахуырдзауыл. Ног бæстыхайы арæзтады æмгъуыдмӕ йæ ахуырдзаутæ æмæ педколлектив сты "уазæгуаты" Цхинвалы 12-æм скъоламæ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала