Хуссарирыстойнаг богал Зассеты Арсӕмӕг сси УФ фӕсивӕды Спартакиадӕйы уӕлахиздзау

© Пресс-служба Минспорта РСО-А.Хуссарирыстойнаг богалтӕ ссисты УФ фӕсивӕды спартакиадӕйы уӕлахиздзаутӕ
Хуссарирыстойнаг богалтӕ ссисты УФ фӕсивӕды спартакиадӕйы уӕлахиздзаутӕ - Sputnik Хуссар Ирыстон, 1920, 15.07.2021
Фӕсивӕды хсӕн 2019 азы Уӕрӕсейы ӕмӕ дунейы чемпион рамбылдта сыгъзӕрин майдан 125 килограммы онг уӕзы категорийы

ЦХИНВАЛ, 15 июл — Sputnik. Хуссарирыстойнаг уӕгъдибар хъӕбысӕйхӕцӕг Зассеты Арсӕмӕг сси Уӕрӕсейы фӕсивӕды V Спартакиадӕйы сыгъзӕрин призер ӕмӕ уӕлахиздзау, хъусын кӕны спортивон резервы цӕттӕгӕнӕн федералон центры сайт. 

Ерысты финал цыд Чебоксарты 12-16 июлы. Хуссар Ирыстоны хъӕбысхӕсты скъолайы хъомылгӕнинаг архайдта иууыл уӕззаудӕр уӕзы категорийы - 125 килограммы.

"Финалон ныхмӕлӕуды хуссарирыстойнаг спортсмен разынд Мӕскуыйаг областӕй богал Артеем Пуховскиййӕ тыхджындӕр ӕмӕ схызт кады пьедесталы уӕлдӕр къӕпхӕнмӕ", - дзырдӕуы хъусинаджы.

Спортсмен ерыстӕм йӕхи цӕттӕ кодта тренер Коцты Тамерланы къухдариуӕгады бын.

Уымӕй дарддӕр ма ноджы ӕртӕ ирон богалы  - Джиоты Сӕлӕмӕт (79 кг), Багаты Арсалан (86 кг) ӕмӕ Джыгкайты Тамик (97 кг) - ссисты сыгъзӕрин майданты хицӕуттӕ.

Зассеты Арсӕмӕг - 2019 азы Уӕрӕсейы ӕмӕ дунейы чемпион фӕсивӕды хсӕн. Июлы райдайӕны та уый рамбылдта бронзӕ майдан Европӕйы чеспионаты юниорты хсӕн.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала