ЦХИНВАЛ, 20 июл - Sputnik. Хуссар Ирыстоны ФХМ сӕргълӕууӕг Медойты Дмитрий фембӕлд Никарагуайы фӕсарӕйнаг хъуыддӕгты министр Денис Монкадоимӕ кусӕгон балцы рӕстӕджы Мӕскуымӕ.
Къуырисӕры Республикӕ Никарагуайы минӕварады ацыд бӕрӕгбонон райст Сандинистон революцийы 42-ӕм афӕдзы боны цытӕн, кӕцымӕ фӕхуыдтой дипломатон мисситы минӕвӕртты, ӕхсӕнадон архайджыты ӕмӕ сфӕлдыстадон интеллигенцийы минӕвӕртты.
Медойты Дмитрий раарфӕ кодта ӕрӕмбырдуӕвджытӕн ӕмӕ Никарагуайы адӕмӕн, афтӕ ма фехъусын кодта Хуссар Ирыстоны президент Бибылты Анатолийы арфӕйы тел.
Никарагуайы ФХМ сӕргълӕууӕгимӕ фембӕлды рӕстӕджы ӕрдзырдтой дыууӕварсон басдзинӕдтӕ дарддӕр сфидар ӕмӕ рауӕрӕх кӕныны фарстытыл.
Афтӕ ма Денис Монкадо райста Медойты Дмитрийы ӕрхуынд Хуссар Ирыстонмӕ ӕрцӕуыны фӕдыл.
