ЦХИНВАЛ, 29 июл — Sputnik. Хуссар Ирыстоны Мидхъуыддӕгты министрады (МХМ) полигоныл ацыдысты ахуырадон ӕхстытӕ, хъусын кӕны уагдоны пресс-службӕ.
"Ахуыртӕ цыдысты МХМ рӕстӕгмӕдарӕн изоляторы кусджытӕн, кӕцытӕ ӕхстой Макаровы пистолет ӕмӕ Калашниковы автоматӕй", - дзырдӕуы пресс-службӕйы хъусинаджы.
Ахуырты рӕстӕджы уагдоны кусджытӕ ӕхстой милтӕм Калашниковы автоматӕй 100 ӕмӕ 200 метры дистанцимӕ, Макаровы пистолетӕй та 25 метры дистанцимӕ.
Ӕхстытӕ уагъд цӕуынц МХМ кусджыты службӕйон-хӕстон ӕмӕ моралон-психологон цӕттӕкӕнынады фӕлгӕтты ӕмӕ здӕхт сты кусджыты ӕхсыны цӕттӕкӕнынады ӕмвӕзад фӕбӕрзонддӕр кӕнынмӕ.
