Дзӕуджыхъӕуы рынчындонмӕ Уӕлвӕткон цауы фӕстӕ ӕрластой ӕрттӕ тонны туаггуыр

© Sputnik / Илья Наймушин /  Ахизын медиабанкмæДзӕуджыхъӕуы рынчындонмӕ Уӕлвӕткон цауы фӕстӕ ӕрластой ӕрттӕ тонны туаггуыр
Дзӕуджыхъӕуы рынчындонмӕ Уӕлвӕткон цауы фӕстӕ ӕрластой ӕрттӕ тонны туаггуыр - Sputnik Хуссар Ирыстон, 1920, 10.08.2021
Рафыссын
Къуырисӕры изӕры рынчындоны ӕрцыд авари туаггуыры станцыл. Уый фӕстиуӕгӕн амардысты фараст адӕймаджы

ЦХИНВАЛ, 10 авг — Sputnik. Ӕртӕ тонны туаггуыр Кӕсӕг-Балхъарӕй ӕрластой Дзӕуджыхъӕуы рынчындонмӕ, цы ран уӕлвӕткон цауы тыххӕй амардысты фараст пациенты. Уый тыххӕй хъусын кӕны РИА Новости Цӕгат Ирыстоны администрацийы пресс-службӕйыл ӕнцойгӕнгӕйӕ.

Коронавирус - Sputnik Хуссар Ирыстон, 1920, 09.08.2021
Хуссар Иры сбӕрӕг кодтой 37 ног рынчыны коронавирусӕй

Ноджы ма иу тонны туаггуыр та арвыстой Хуссар ӕфсӕддон зылды 40-ӕм ӕфсады аэродромӕй, кӕцы ис Мӕздӕджы. Афтӕ ма республикӕмӕ ӕрласдзысты туаггуыр Ставрополь ӕмӕ Краснодарӕй.

Тагъд ӕххуысы рынчындоны къуырисӕры ӕрцыд авари туаггуыры станцыл – спырх ис зӕххы бын хӕтӕл. Амардысты фараст адӕймаджы. Регионалон Ӕнӕниздзинад хъахъхъӕнынады министрады куыд фехъусын кодта, афтӕмӕй уыдон иууылдӕр уыдысты уӕззау уавӕры. Реанимацийы ӕдӕппӕт уыдысты 71 пациенты.

Рынчындоны туаггуыры системӕйы фехӕлды тыххӕй базыдтой 18.00 сахатыл. Дзӕуджыхъӕумӕ арвыстой анезтезиологтӕ-реаниматологты къорд Ӕнӕниздзинад хъахъхъӕнынады министрады катастрофӕты медицинӕйы Федералон центрӕй. Фӕдагуырды комитет бакодта уголовон хъъуыддаг ацы уӕлвӕткон цауы фӕдыл.

Ног хабӕртты лентӕ
0