ЦХИНВАЛ, 10 авг – Sputnik, Козаты Диана. Энергетиктӕ цалцӕг кӕнынц электроифтонгад Хуссар Ирыстоны Дзауы районы цалдӕр хъӕуы, фехъусын кодта районон ГЭС-ы хистӕр Цхуырбаты Роме.
Электрондыхы хӕххытӕ бахъыгдард сты къуырисӕры тыхдымгӕ ӕмӕ тӕрккъӕвдаты фӕстиуӕгӕн.
"Ӕнӕ рухсӕй баззадысты Чъимас, Къроз, Рукъ, Згъубир ӕмӕ Хъемултайы хъӕуты цӕрджытӕ. Знон мах иуварс кодтам аваритӕ изӕры дӕс сахаты онг, ӕмӕ райсом авд сахатӕй ногӕй бавнӕлдтам куыстмӕ", - радзырдта Цхуырбаты Роме.
Уый банысан кодта, электроифтонгад хъӕуты кӕй сцалцӕг кӕндзысты боны дӕргъы.
Хуссар Ирыстоны къуырисӕры изӕры уарыд тыхджын къӕвда, цъыфы зӕйы тыххӕй сӕхгӕдтой Транскавказаг автомагистраль.
