ЦХИНВАЛ, 12 авг - Sputnik, Хъуылымбегты Зӕлинӕ. Хуссар Ирыстоны ивгъуыд суткӕ коронавирус сбӕрӕг кодтой 38 адӕймагӕн, фехъусын кодта Sputnik республикӕйы сӕйраг санитарон дохтыр Коцты Марина.
"Югосетпотребнадзоры ПЦР-лабораторийы ӕртыццӕджы сарӕзтой 230 тесты, уыдонӕй 38 радтой ӕвӕрццаг фӕстиуӕг. Иу суткӕмӕ медицинон хыгъдӕй систой 20 адӕймаджы. Дохтырты хъусдарды бын ма сты республикӕйы 722 цӕрӕджы", - загъта Коцты Марина.
Цӕстдардон уагдоны ПЦР-лабораторийы пандемийы райдайӕнӕй COVID-19 раиртасыны тыххӕй сарӕзтӕуыд ӕртын минӕй фылдӕр иртӕсты, уыдонӕй ӕвӕрццаг фӕстиуӕг равдыстой 4543. Медикты хъусдардӕй ссистӕуыд 3821 пациенты.
