ЦХИНВАЛ, 19 авг - Sputnik. Дзæуджыхъæуы маскæйон режим халыны тыххæй æхгæд æрцыдысты базарадон центртæ "Столица" æмæ "Алания Молл", хъусын кæны ПТРК "Алания" Цæгат Иры Роспотребнадзоры управленийыл æнцойгæнгæйæ.
Уыцы аххосаджы тыххæй ма æрурæдтой базар "Привоз"-ы куыст дæр. Цæстдардон уагдоны банысан кодтой, арæнæвæрдты систы æмгъуыд кæй аскъуыддзаг кæндзæн тæрхондон.
Цæгат Ирыстоны ис уæззау уавæр коронавирусимæ - фылдæрæй фылдæр кæнынц куыд ног рынчынтæ, афтæ карз низы аххосæй амæлæг æмбæстæгты нымæц дæр. Дыццæджы COVID-19 ахаста 11 адæймаджы цард.
Фæстаг бæрæггæнæнтæм гæсгæ, Цæгат Ирыстоны пандемийы райдианæй фæрынчын сты 20 021 адæймаджы, уыдонæй сæнæниз сты 19 124, 542 та хос кæнынц медицинон уагдæтты.
