ЦХИНВАЛ, 19 авг – Sputnik. Йæ цардæй ахицæн Уæрæсе æмæ Цæгат Ирыстоны аивæдты сгуыхт архайæг, режиссер Гулуты Вячеслав, хъусын кæны 15-æм регион.
УФ кинематографистты Цæдисы Цæгат-Кавказаг хайады сæрдар йе 'нусон бæстæмæ бацыд 81 азы къæсæрыл.
Гулуты Вячеслав райгуырд 1941 азы Цыколайы. Каст фæци ВГИК-ы операторты факультет 1969 азы. Бирæ рæстæг уыд Цæгат Кавказы кинематографистты Цæдисы сæрдар – 1986 азæй фæстæмæ.
Гулуты Вячеслав бахаста егъау хайбавæрд национ документалон кинематографы рæзтмæ. Йæ кинонывты уый архайдта ивгъуыд эпохæйы сурæттæ сæнусон кæныныл, дзырдта зынгæ цаутыл, Ирыстоны зындгонд адæмыл, фæллойы Хъæбатыртыл æмæ хуымæтæг фæллойгæнджытыл.
