ЦХИНВАЛ, 24 авг - Sputnik. Хуссар Ирыстоны ӕнӕниздзинад хъахъхъӕнынады министр Наниты Сослан радта Дзауы районон рынчындон ӕмӕ горӕт Къуайсайы рынчындоны кусджытӕн майдантӕ "COVID-19 пандемийы ныхмӕ тохы тыххӕй", хъусын кӕны уагдоны пресс-службӕ.
6 августы 2021, 10:36
"Президенты фӕдзӕхстӕй, Ӕнӕниздзинад хъахъхъӕнынады министр радта паддзахадон хорзӕхтӕ коронавирусон инфекцийы ныхмӕ тохы тыххӕй Дзауы районон рынчындон ӕмӕ горӕт Къуайсайы рынчындоны кусджытӕн", - дзырдӕуы хъусинаджы.
Амӕйразмӕ паддзахадон хорзӕхтӕ радтой медиктӕн, кӕцытӕ тох кодтой коронавирусимӕ республикон медцентры Цхинвалы, афтӕ ма Югосетпотребнадзоры кусджытӕн. Медицинон кусджытӕн ӕххуысы тыххӕй майдан райстой волонтертӕ, кӕцытӕ куыстой республикӕйы столицӕйы "сырх зонӕты".
