Ахсджиаг бон: Хуссар Ирыстоны райдыдта ног ахуыры аз

© Sputnik / Виталий Тимкив / Ахизын фотобанкмӕ1 сентябрь
1 сентябрь - Sputnik Хуссар Ирыстон, 1920, 06.09.2021
Ацы аз республикӕйы 51 скъолаты къӕсӕрӕй бахиздзысты 650-ӕй фылдӕр фыццагкъласоны, уыдонӕй 78 райсдзӕн Цхинвалы 6-ӕм скъола
ЦХИНВАЛ, 6 сен – Sputnik, Тъехты Дзерассӕ. Ног ахуыры аз Хуссар Ирыстоны ӕппӕт скъоладзаутӕн дӕр суыдзӕн уӕлдай амондджын ӕмӕ зӕрдылдарӕндӕр, загъта Ахуырады министры хӕдивӕг Гаглойты Элиса Цхинвалы 6-ӕм скъолайы цытджын линейкӕйы.
Дменисы скъола - Sputnik Хуссар Ирыстон, 1920, 23.08.2021
Цхинвалы районы скъолатӕ цӕттӕ кӕнынц ног ахуыры азмӕ
Ахуыры аз Хуссар Ирыстоны 2018 азӕй фӕстӕмӕ райдайы фӕстӕдӕр Беслӕны трагедийы фӕдыл фыдохы бонты тыххӕй. Улӕфт бонты тыххӕй ацы аз Зонындзинӕдты бон банысан кодтой 6 сентябры. 
Гаглойты Элиса рагъта йӕ фӕндиӕгты, цӕмӕй абон скъолайы къӕсӕрӕй цы сывӕллӕттӕ бахызтызты, уыдон ахуыр кӕной иттӕг хорз нысӕнттыл ӕмӕ фидӕны суой хорз адӕм.
"Ацы аз мах ахиздзыстӕм ӕппӕт зындзинӕдты сӕрты дӕр ӕмӕ ахуыры азы кӕроныл сӕмбӕлдзыстӕм хорз бӕрӕггӕнӕнтимӕ", - загъта уый ӕмӕ ахуырдзаутӕн йӕ цӕст бауарзта хорз нысӕнттӕ ӕмӕ стыр ӕнтыстытӕ.
Мадзал адарддӕр ис чысыл концертӕй. Скъолайы директор Бедойты Элеонора схорзӕхджын кодта педколлектив ӕмӕ кӕцыдӕр ныййарджыты грамотӕтӕй.
Ацы аз республикӕйы 51 скъолаты къӕсӕрӕй бахиздзысты 650-ӕй фылдӕр фыццагкъласоны, уыдонӕй 78 райсдзӕн Цхинвалы 6-ӕм скъола.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала