Скульптурӕтӕ ӕмӕ нывтӕ: Национ музей хоны Кокойты Василийы ӕнусон юбилейы цытӕн равдыстмӕ

© Sputnik / Natalia Airiyan Кокойты Василий
Кокойты Василий - Sputnik Хуссар Ирыстон, 1920, 23.09.2021
Культурон уагдоны мадзал конд ӕрцӕудзӕн 23 сентябры
ЦХИНВАЛ, 23 сен — Sputnik, Плиты Фатимӕ. Номдзыд скульптор ӕмӕ хуызфыссӕг Кокойты Василийы равдыст Хуссар Ирыстоны Национ музейы гом уыдзӕн ног къуырийы кӕронмӕ. Уазджыты размӕ рахӕсдзысты авторы 25 скульптурӕйы ӕмӕ 16 нывы, фехъусын кодта Sputnik уагдоны директор Зассеты Мераб.
Культурон уагдоны мадзал конд ӕрцӕудзӕн 23 сентябры.
"Равдыст уагъд цӕуы ӕрмдӕсныйы ӕнусон юбилеймӕ. Фенӕн дзы уыдзӕн йӕ бынтӕй Национ музейы цы ис, уыцы 16 скульптурӕйы. Экспозицийы ма уыдзӕн авторы хуызфыссынады куыстытӕ - натюрморттӕ ӕмӕ пейзажтӕ, уыдон та рахастой йӕ фӕдонтӕ", - загъта Зассеты Мераб.
Йӕ ныхӕстӕм гӕсгӕ, скульпторы куыстытӕ развӕлгъау рацыдысты реставраци, куыстытӕ сӕххӕст кодта нывгӕнӕг Багаты Феликс.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала