Хуссары Иры ӕххуысхъуаг бинонты зымӕгмӕ сифтонг кӕндзысты сугӕй 

© Sputnik / Наталья АйриянСуг
Суг - Sputnik Хуссар Ирыстон, 1920, 11.10.2021
Хуссары Ирыстоны районты цӕрӕг ӕххуысхъуаг бинонтӕй 125 райсдзысты зымӕгмӕ суг Сырх дзуары мисси ӕмӕ хъӕды хӕдзарады ӕмгуыстады фӕрцы
ЦХИНВАЛ, 11 окт — Sputnik, Плиты Фатимӕ. Ӕхсӕнадӕмон сырх дзуары комитеты Цхинвалы уӕвӕг мисси Хуссар Ирыстоны районы ӕххуысхъуаг бинонты дыууӕ къуырийы ӕмгъуыдмӕ сифтонг кӕндзӕн сугӕй, фехъусын кодта Sputnik миссийы кусӕг Тедеты Марина.
Сырх Дзуар баласта Хуссар Иры цӕрджытӕн ӕрдӕг азы фаг гуманитарон ӕххуыс - Sputnik Хуссар Ирыстон, 1920, 08.06.2020
Сырх Дзуар баласта Хуссар Иры цӕрджытӕн ӕрдӕг азы фаг гуманитарон ӕххуыс
Миссийы ӕххуысы адресаттӕ ссисты Дзау, Знауыр, Ленингор ӕмӕ Цхинвалы районты ӕххуысхъуаг бинонтӕ, кӕцытӕ сты организацийы ӕппынӕдзух хъусдарды бын.
"Хуссар Ирыстоны Хъӕды хӕдзарадимӕ иумӕ ӕххӕст цӕуы сугӕй сифтонг кӕныны куыст. Ныридӕгӕн куыст цӕуы Цхинвалы ӕмӕ Знауыры районты - уым ӕххуыс райсдзысты 80 бинонтӕ. Ӕдӕппӕтӕй ӕгас республикӕйы сугӕй ифтонг ӕрцӕудзысты 125 бинонтӕ", - загъта Тедеты Марина.
Уый ма бафтыдта, алы бинонтӕ дӕр кӕй райсдзысты фӕйнӕ 4 куб суг.
Ӕхсӕнадӕмон сырх дзуары комитеты цхинвайлаг миссийы хъусдарды бын цы бинонтӕ бахаудтой, уыдон сты, аз цыппар хатты миссийы хӕлцадон ӕххуыс чи исы, уыдон нымӕцӕй.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала