Сӕйраг у фӕлтӕрддзинад: Хуссар Иры теннисисткӕтӕ хайад райстой ӕхсӕнрегионалон ерысты

© Sputnik / Из архива тренера И. ВалиевойХуссар Иры теннисисткӕтӕ хайад райстой ӕхсӕнрегионалон ерысты
Хуссар Иры теннисисткӕтӕ хайад райстой ӕхсӕнрегионалон ерысты - Sputnik Хуссар Ирыстон, 1920, 15.10.2021
Тренеры ныхӕстӕм гӕсгӕ, чызджытӕ призерты нымӕцмӕ нӕ бацыдысты, фӕлӕ райстой ӕнӕмӕнгхъӕуӕг фӕлтӕрддзинад
ЦХИНВАЛ, 15 окт — Sputnik, Плиты Фатимӕ. Хуссар Ирыстоны ӕрыгон теннисисткӕтӕ хайад райстой уӕлыстол теннисӕй ӕхсӕнрегионалон ерыстӕ "Шаг в будущее"-йы ӕртыккаг этапы, фехъусын кодта Sputnik тренертӕй иу Уалыты Ирина.
Йӕ ныхӕстӕм гӕсгӕ, чызджытӕ призерты нымӕцмӕ нӕ бацыдысты, фӕлӕ райстой ӕнӕмӕнгхъӕуӕг фӕлтӕрддзинад.
"Ацы кары спортсментӕн уӕлахизтӕй ахсджиагдӕр у фӕлтӕрддзинад. Ерыстӕ сын сты бирӕнымӕц тренировкӕтӕй хуыздӕр", - загъта тренер.
Спортивон ерыстӕ цыдысты Кӕсӕг-Балхъары республикӕйы Эльбрусгӕрон.
"Хуссар Ирыстонӕй стох кодтой дыууӕйӕ - мӕ хъомылгӕнинаг Касрадзе Мая ӕмӕ Остъаты Лидияйы хъомылгӕнинаг Хъуылымбегты Виктория. Ерысты хайад райсынӕн нын баххуыс кодтой Национ банчы разамонӕг Джиоты Жанна ӕмӕ спорты скъолайы директор Бибылты Руслан", - бафтыдта Уалыты Ирина.
Ӕхсӕнрегионалон ерыстӕ "Шаг в будущее"-йы радон этап та ацӕудзӕн ноябры.
© Их архива тренера И. ВалиевойХуссар Иры теннисисткӕтӕ хайад райстой ӕхсӕнрегионалон ерысты
Теннисистки из Южной Осетии приняли участие в межрегиональных соревнованиях  - Sputnik Хуссар Ирыстон, 1920, 26.10.2021
Хуссар Иры теннисисткӕтӕ хайад райстой ӕхсӕнрегионалон ерысты
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала