"Остелеком"-ы радзырдтой хуссарирыстойнаг спортсментӕн ӕххуысы тыххӕй

© Photo : Комитет по молодёжной политике, спорту и туризму РЮОТурнир ленк кӕнынӕй
Турнир ленк кӕнынӕй - Sputnik Хуссар Ирыстон, 1920, 27.10.2021
Компанийы радзырдтой социалон архайды тыххӕй, сӕ нымӕцы – ӕххуыс Боксы сывӕллӕтты-ӕрыгӕтты спортивон скъолайӕн ӕмӕ Хуссар Ирыстоны ленк кӕныны фӕдерацийӕн
ЦХИНВАЛ, 27 окт - Sputnik, Гӕбӕраты Элина. Хуссар Ирыстоны иунӕг сотон оператор "Осетелеком" ӕххуыс кӕны рӕзгӕ фӕлтӕры хсӕн спорты райрӕзтӕн. Ӕхсӕнадимӕ бастдзинӕдты фӕдыл специалист Бежанты Зӕринӕйы ныхӕстӕм гӕсгӕ, компани баххуыс кодта Боксы сывӕллӕтты-ӕрыгӕтты спортивон скъолайӕн ӕмӕ Хуссар Ирыстоны ленк кӕныны фӕдерацийӕн.
"Алыгъуызон ӕмвӕзады спортивон мадзӕлттӕн ӕххуыс ӕмӕ фӕсивӕды спортмӕ ӕрбаздахын сты махӕн ӕнӕивгӕ приоритеттӕ", - банысан кодта Бежанты Зӕринӕ.
Йӕ ныхӕстӕм гӕсгӕ, спортивон спонсор ӕрмӕст финансон ӕххуыс хъуамӕ ма кӕна, фӕлӕ ма популяризаци кӕна спорт республикӕйы.
"Мах спонсорон ӕххуыс бакодтам ирон боксы скъолайы курдиатджын хъомылгӕнинаг Коцты Артурӕн. Спортсмен цӕттӕ кӕны тренертӕ Кокойты Мурӕт ӕмӕ Коцты Вадимы къухдариуӕгады бын. Уый раразмӕ кодтой ӕппӕтуӕрӕсейон ерыстӕм куыд турнир "Юность России"-йы уӕлахиздзауы. Ленк кӕныны федерациимӕ махӕн ис сӕрмагонд ахастытӕ. Нӕ ӕмгуыстад райдыдта 2017 азы ӕмӕ, мӕ хъуыдымӕ гӕсгӕ, фидӕны дӕр адарддӕр уыдзӕн", - банысан кодта пресс-секретарь.
Ӕлборты Аланӕ - Sputnik Хуссар Ирыстон, 1920, 13.10.2021
Хуссарирыстойнаг дзюдоисткӕ рамбылдта дунейы командон ерысты ӕвзист
Ӕрвылаз "Мегафон-Хуссар Ирыстон" ӕмӕ компанийы минӕвӕрттӕ спонсорон хайад исынц ленк кӕныны турнирты организацийы, кӕцытӕ нывонд сты республикӕйы зӕрдылдарӕн датӕтӕн, бафтыдта Бежанты Зӕринӕ.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала