Хуссар Иры скъоладзаутӕн ӕнӕкусгӕ къуырийы уыдӕн дистанцион ахуыр

© Виталий Тимкив / Ахизын фотобанкмӕДистанцион ахуырад
Дистанцион ахуырад - Sputnik Хуссар Ирыстон, 1920, 28.10.2021
ЦХИНВАЛ, 28 - Sputnik, Гӕбӕраты Элина. Фӕззыгон каникултӕй рахизыны фӕстӕ Хуссар Ирыстоны скъоладзаутӕн ахуыр сног уыдзӕн дистанцион режимы, фехъусын кодта Sputnik Ахуырады министрады пресс-секретарь Плиты Яна.
Оперштабы скъуыддзагмӕ гӕсгӕ, 19 октябры ахуырадон уагдӕтты расидтӕуыд карантин, ахуыр хъуамӕ адарддӕр уыдаид 1 ноябры. Фӕлӕ фӕстӕдӕр президент Бибылты Анатолий 1-7 ноябры расидт ӕнӕкусгӕ бонтӕй.
"Хуссар Ирыстоны ахуырадон уагдӕттӕ карантиныл сты дыккаг къуыри. Ныртӕккӕ уыдонӕн ис фӕззыгон каникултӕ. Президент цы ӕнӕкусгӕ бонтӕ расидт, уыдон хауынц ахуырадон уагдӕттӕм дӕр. Къуырисӕрӕй ахуыр сног уыдзӕн дистанцион форматы", - загъта Плиты Яна.
Пресс-секретары ныхӕстӕм гӕсгӕ, уый адыл скъоладзаутӕ изоляцийы ӕдӕппӕт арвитдзысты ӕртӕ къуыри, уый та хъуамӕ фӕахъаз уаид куыд коронавирусӕй, афтӕ сезонон вирустӕй рынчынты нымӕц фӕкъаддӕр кӕнынӕн.
Хуссар Иры хицауад - Sputnik Хуссар Ирыстон, 1920, 18.10.2021
Хуссар Иры коронавирусы ныхмӕ оперштаб райста арӕнӕвӕрдон мадзӕлттӕ
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала