Хуссар Ир хайад райста мультикультурон фестивалы Дзӕуджыхъӕуы

© Из личного архива Любы ДжиоевойЛюба Джиоты
Люба Джиоты - Sputnik Хуссар Ирыстон, 1920, 03.11.2021
ЦХИНВАЛ, 3 ноя — Sputnik, Гӕбӕраты Элина. Хуссар Ирыстоны минӕвӕрттӕ ӕрыздӕхтысты Гӕздӕнты Гайтойы номыл мультикультурон фкстивалӕй, кӕцы ацыд Дзӕуджыхъӕуы. Мадзалы республикӕйы кад хъахъхъӕдтой горӕты скъолатӕй иуы ахуыргӕнӕг Пӕррӕстаты Элла ӕмӕ ӕвзонг зарӕггӕнӕг Джиоты Люба.
"Фестивалы фӕлгӕтты ацыд литературон къуыри. Мах байхъуыстам зындгонд поэттӕ ӕмӕ прозаикты лекцитӕм. Уыдон уыдысты тынг цымыдисон ӕмӕ фӕстиуӕгджын. Ӕз сдӕн конкурсы финалист", - радзырдта Джиоты Люба.
Фестивалы кӕронбӕттӕны хуссарирыстойнаг зарӕггӕнӕг ралӕууыд Мариинаг театры филиалы сценӕйыл Дзӕуджыхъӕуы, цы ран сӕххӕст кодта ирон зарӕг "Мӕсыг".
© Sputnik / Наталья АйриянЛюба Джиоты
Люба Джиоева - Sputnik Хуссар Ирыстон, 1920, 03.11.2021
Люба Джиоты
"Мах тынг хорз райстой. Фестивалы организаци уыд ииуыл бӕрзонд", - бахахх кодта уый.
Дзӕуджыхъӕуы октябры фӕстаг къуыри ацыд Гӕздӕнты Гайтойы номыл фыццаг мультикультурон фестиваль. Мадзал ӕрбамбырд кодта ӕвзонг литераторты Цӕгат Кавказы ӕппӕт къуымтӕй ӕмӕ Хуссар Ирыстонӕй. Хайад ма дзы райстой ахӕм зындгонд гоймӕгтӕ, куыд Алексей Колобродов, Анна Долгарева, Олег Демидов, Вадим Месяц, Игорь Караулов. Фестивалы жюрийы сӕргъ лӕууыд фыссӕг ӕмӕ политик Захар Прилепин.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала