Ирон спортсмен Хуыгаты Алан боксы изӕры рамбылдта ирд нокаутӕй - видео

© Photo : InstagramАлан Хугаев
Алан Хугаев  - Sputnik Хуссар Ирыстон, 1920, 09.11.2021
Рафыссын
ЦХИНВАЛ, 9 ноя - Sputnik, Хъуылымбегты Азӕмӕт. Ирон боксер Хуыгаты Алан йӕ ныхмӕлӕууӕджы Узбекистанӕй Музаффар Расуловы рамбылдта нокаутӕй ӕвдӕм раунды Боксы изӕры Мӕскуыйы.
Боксы изӕр Shamo Promotions "Дерись и побеждай" ацыд Мӕскуыйы 8 ноябры изӕры. Хуыгаты Алан авд раунды фӕстӕ цыбыр цӕфӕй арвыста йӕ ныхмӕлӕууӕджы нокауты.
Ирон спортсмен радзырдта Sputnik, кӕй фӕнд кӕны сног кӕнын тренировкӕтӕ, Дзӕуджыхъӕумӕ куыддӕр ӕрыздӕха, афтӕ.
"Бузныг мӕ ныхмӕлӕууӕгӕн рӕсугъд тохы тыххӕй. Бузныг, мӕ фарс чи хӕцыд, ӕппӕт уыцы адӕмӕн. Хӕдзармӕ куыддӕр ныццӕуон, афтӕ ӕрӕвналдзынӕн тренировкӕтӕм", - зӕгъта боксер.
Хуыгаты Алан рингыл ауагъта 15 тохы ӕмӕ иу хатт дӕр никуы фӕхӕрд. Уый архайы боксерон клуб "Ариана"-йы УФ сгуыхт тренер Сланты Виталийы къухдариуӕгады бын.
Ног хабӕртты лентӕ
0