Хуссар Иры грэпплертӕ рамбылдтой 15 майданы ерысты Уӕрӕсейы

ЦХИНВАЛ, 9 ноя - Sputnik, Гӕбӕраты Элина. Хуссарирыстойнаг клуб "Нарты" хӕцджытӕ ссисты Ростов-на-Донуйы гом турниры уӕлахиздзаутӕ ӕмӕ призертӕ.
Грэпплингы федерацийы президент Дудайты Владимир куыд радзырдта Sputnik, афтӕмӕй фӕсивӕд архайдтой ерысты грэпплинг ӕмӕ панкратионӕй. Спортсментӕ ӕрхастой фараст сыгъзӕрин, дыууӕ ӕвзист ӕмӕ цыппар бронзӕйон майданы.
Хуссар Иры ӕвзонг хъӕбӕсӕйхӕцджытӕ рамбылдтой фараст майданы Ставрополы - Sputnik Хуссар Ирыстон, 1920, 06.11.2021
Хуссар Иры ӕвзонг хъӕбӕсӕйхӕцджытӕ рамбылдтой фараст майданы Ставрополы
Фӕлӕ спортсменты тренеры зӕрдӕ нӕ райы йӕ хъомылгӕнинӕгты хатдзӕгтӕй – уый банысан кодта, тренировкӕтӕ рӕстӕджы уыдон дарддӕр кӕй хуыздӕр кӕндзысты сӕ курдиат.
"Нӕ хӕслӕвӕрд кӕронмӕ нӕ сӕххӕст кодтам. Ис ма дзы, цӕуыл хъӕуы бакусын", - банысан кодта Дудайты Владимир.
Ерысты фӕстиуӕгӕн фыццаг бынӕттӕ грэпплингӕй бацахстой Уанеты Сослан, Алексей Чеботарев, Мӕргъиты Сослан, Тасойты Ренат ӕмӕ Григорий Крайненко. Панкратионӕй та сыгъзӕрин райстой Уанеты Сослан, Алексей Чеботарев, Пӕррӕстаты Александр ӕмӕ Григорий Крайненко.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала