Цӕрджытӕ сӕ домынц, шофыртӕ сӕ ныхмӕ: Цхинвалы сӕвӕрдтой фӕндагон гӕрӕнтӕ

© Sputnik / Рамиль Ситдиков / Ахизын фотобанкмӕфӕндагон гӕрӕн
фӕндагон гӕрӕн - Sputnik Хуссар Ирыстон, 1920, 09.11.2021
ЦХИНВАЛ, 9 ноя — Sputnik, Плиты Фатимӕ. Цхинвалы ногарӕзт уынгтыл ӕвӕрд цӕуынц фӕндагон змӕлд уромӕн гӕрӕнтӕ. Фӕндагон змӕлды нысӕнттӕ ӕвӕрынц столицӕйы мэрияйы управлени ӕмӕ Паддзахадон автоинспекци.
Шофыртӕ уый фӕдыл ӕвдисынц се 'нӕразыдзинад, уынгты цӕрджытӕ та коллективон куырдиӕттӕ хӕссынц горӕты мэриямӕ, цӕмӕй уынгыл радон гӕрӕн сӕвӕрой.
Дыууӕ ныхмӕлӕуд къорды хсӕн дон никуыд рӕсугъд кӕны.
"Куыддӕр уынг сырӕзы, афтӕ нӕм сарӕх вӕййынц куырдиӕттӕ цӕрджытӕй, кӕцытӕ домынц гӕрӕнтӕ сӕвӕрын, шофыртӕ дзы ӕгӕр тынг кӕй скъӕрынц, уый фӕдыл. Фӕлӕ алы къуымы гӕрӕнтӕ ӕвӕрӕн нӕй. Мах паддзахадон автоинспекциимӕ аскъуыддзаг кӕнӕм, кӕм ӕй ис гӕнӕн сӕвӕрын", - загъта горӕты администрацийы цалцӕггӕнӕн-арӕзтадон управленийы сӕргълӕууӕг.
Ныры ног уал гӕрӕнтӕ сӕвӕрдтой Тасойты Иналы, Советон, Дзабиты Геннадийы, Ирӕтты, Уӕлахизы ӕмӕ ӕндӕр уынгтыл. Управленийы разамонӕджы ныхӕстӕм гӕсгӕ, гӕрӕнтӕ сты нормӕмӕ гӕсгӕ.
"Сӕ бӕрзӕнд 6 см, сӕ дӕргъ 1, 5 метры. Ацы дыууӕ къуыри сын сӕвӕрдзыстӕм фӕндагон бӕрӕггӕнӕнтӕ ӕмӕ хӕххытӕ", - бафтыдта уый.
Ацы гӕрӕнты тыххӕй бирӕ уынгтыл шофыртӕ скъӕрынц иувӕрсты. Ахӕм ссис Октябры уынг, уым ӕвӕрд ӕрцыд иууыл ӕвзӕрдӕр гӕрӕнтӕ.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала