Знауыры районы аварион хӕдзары хицӕуттӕн ратдзысты фатертӕ ног корпусы

© YouTube / ГТРК "Ир"Знауыры районы аварион хӕдзары хицӕуттӕн ратдзысты фатертӕ ног корпусы
Знауыры районы аварион хӕдзары хицӕуттӕн ратдзысты фатертӕ ног корпусы - Sputnik Хуссар Ирыстон, 1920, 16.11.2021
ЦХИНВАЛ, 16 ноя - Sputnik, Плиты Фатимӕ. Хуссар Ирыстоны Знауыры районы центры ногарӕзт бирӕуӕладзыгон хӕдзары 12 фатеры рахицӕн кӕндзысты посёлочы аварион хӕдзары цӕрджытӕн, фехъусын кодта Sputnik цӕрӕнуатон къамисы сӕрдар Гаглойты Юрий.
Ногарӕзт бирӕуӕладзыгон хӕдзары ӕдӕппӕтӕй ис 18 фатеры. Цӕрӕнуатон къамис бавнӕлдта куыстмӕ.
"Ног корпус ӕрфысым кӕндзӕн Ленины уынджы 36-ӕм аварион хӕдзары цӕрджыты. Уыдон сты 12 фатеры. Аннӕ 6 фатеры та байуардзысты радты чи лӕууы, уыдоныл, сӕ нымӕц у 255",- загъта къамисы сӕрдар Гаглойты Юрий.
Районы разамонӕг Сиукъаты Олегы ныхӕстӕм гӕсгӕ, хӕдзӕрттӕ хъуамӕ уӕрст ӕрцӕуой азы кӕронмӕ.
"Къамис бавнӕлдта куыстмӕ. Ног азмӕ фатертӕ уӕрст фӕуыдзысты", - загъта уый.
Знауыры центр арӕзт фӕцис дыккаг бирӕуӕладзыгон корпус. Фыццаг амад фӕцис ивгъуыд аз. Арӕзтадмӕ ӕнӕкӕсгӕ фатертӕм радтӕ сты стыр.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала