Хуссар Иры ӕртӕ ахуырдзауы арвыстой алӕвӕрд "Умницы и умники"- йы хайад райсынмӕ

© АО "Первый канал"Умницы и умники
Умницы и умники - Sputnik Хуссар Ирыстон, 1920, 17.11.2021
ЦХИНВАЛ, 17 ноя - Sputnik, Плиты Фатимӕ. Хуссар Ирыстоны астӕуккаг скъолаты ахуырдзаутӕ ӕртӕйӕ фыццаг хатт ралӕудзысты Уӕрӕсейы фыццаг каналы популярон алӕвӕрд "Умницы и умники"- йы. Алӕвӕрды хайад исынмӕ ацыдысты дыккӕгӕм скъола, гимнази "Альбион" ӕмӕ Аивӕдты лицейы 11-ӕм къласонтӕ, фехъусын кодтой Sputnik Ахуырады министрады пресс-службӕйы.
Сӕ хъусинагмӕ гӕсгӕ, Тасойты Ада (дыккӕм скъола), Джиоты Батрадз (Лицей) ӕмӕ Коцты Владислав (Гимназ "Альбион") ӕвзӕрст ӕрцыдысты куыд республикон олимпиадӕты уӕлахиздзаутӕ, стӕй ма сын ис фидар зонындзинæдтӕ фӕсарӕйнаг литературӕ ӕмӕ историйӕ.
"Хуынд ӕрцыд алӕвӕрды амонӕгӕй министрадмӕ. Сӕрмагондӕй фӕсивӕд сӕхи бацӕттӕ кодтой алӕвӕрдмӕ. Ӕртӕ темӕ сын развӕлгъау загътой - "1942 дунейы", 1812 азы фыдыбӕстӕйон хӕст" ӕмӕ "Чарльз Диккенс"-ы сфӕлыстадон цард ", - загъта уагдоны пресс-секретарь Плиты Яна.
Ацы фӕсивӕдӕй дыууӕйӕ цӕуынц ӕвзист майдантыл.
"Алӕвӕрдтӕ ист цӕудзысты ӕртӕ боны дӕргъы 18-20 ноябрьмӕ. Фӕстӕдӕр та рацӕудзысты эфиры" - бафтыдта уый.
"Умницы и умники" фадат дӕтты йӕ хуыздӕр архайджытӕн МГИМО-йы студент суӕвын ӕнӕ фӕлварӕнтӕй. Йӕ алӕвӕрдтӕ ӕвдыст цӕуынц фыццаг каналыл. Нырмӕ йӕ архайджыты нымӕцы уыдысты Ирыстоны цӕгаты минӕвӕрттӕ.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала