Дзиццойты Юрий: Хъодзаты Ӕхсары ныхӕстӕ ӕмдзу кодтой йӕ хъуыддӕгтимӕ

Профессор Дзиццойты Юрийы хъуыдымӕ гӕсгӕ, Хъодзаты Ӕхсар уыд Ирыстоны хуыздӕр поэттӕй сӕ иу, фӕлӕ йын ахуыргонд хицӕн бынаты ӕвӕры йӕ публицистикӕ.
"Публицистикӕ иронау фыссын зын у, уырыссагау уӕддӕр сахуыр сты терминологийыл. Ӕхсарӕн йӕ публицистикӕйӕн дӕр диссаджы рӕсугъд ӕвзаг ис", - радзырдта Дзиццойты Юрий.
Юрий Альберты фырт банысан кодта, Хъодзаты Ӕхсар иттӕг хорз кӕй зыдта мадӕлон ӕвзаг ӕмӕ ирон дзырдтимӕ архайын.
"Ирон дзырдтӕ кӕм нӕ фаг кодта, уым иу йӕхӕдӕг дӕр ӕрымысыд, авторон неологизмтӕ кӕй хонынц, ахӕмтӕ ӕмӕ уымӕй фӕхъӕздыгдӕр кодта ирон ӕвзаг. Зӕгъӕм ӕдзух "Ӕз" чи кӕны, уымӕн ӕрымысыд тынг хорз термин "Ӕздӕнонӕг" ӕмӕ йын ахӕм терминтӕ ис цалдӕр", - бафиппайдта профессор.
Хъодзаты Ӕхсары сфӕлдыстадыл дзургӕйӕ Дзиццойты Юрий бахахх кодта, поэтӕн йӕ ныхӕстӕ кӕй ӕмдзу кодтой йӕ хъуыддӕгтимӕ.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала