Иттӕг хорз старт: Гӕджиты Гурам рамбылдта йӕ ныхмӕлӕууӕджы Уӕрӕсейы Кубокы

© Sputnik / Natalia Airiyan Гурам
Гурам 
 - Sputnik Хуссар Ирыстон, 1920, 24.11.2021
ЦХИНВАЛ, 24 ноя — Sputnik, Плиты Фатимӕ. Хуссар Ирыстоны фӕсивӕды хсӕн иууыл цӕттӕдӕр боксер Гӕджиты Гурам ӕнтыстджынӕй райдыдта йӕ ралӕудтӕ Уӕрӕсейы Кубокы, фехъусын кодта Sputnik спортсмены тренер Дзигойты Ацӕмӕз.

"Дыццӕджы Гӕджиты Гурамӕн фыццаг ралӕуд уыд ерысты. Ӕртӕ раунды дӕр рамбылдта. Иттӕг хорз старт. Абон улӕфӕм ӕмӕ сом та фембӕлдзӕн Ивановаг областы минӕваримӕ", - радзырдта тренер.

Гӕджиты Гурамы категорийы ерысты тох кӕны 22 боксеры.
"Тынг конкуренци дзы ис, фӕлӕ Гурам никӕмӕй лӕмӕгъдӕр у. Нысанмӕздӕхтӕй куы тох кӕна, уӕд уӕлахиз уыдзӕн мах", - бафтыдта Дзигойты Ацӕмӕз.
Фӕстаг ӕзты Гӕджиты Гурам ссис фыццаг архайӕг Хуссар Ирыстонӕй европӕйаг ерысты. Уый ӕрӕздӕхт бронзӕйон призерӕй. Уымӕй дарддӕр у 2021 азы Уӕрӕсейы уӕлахиздзау.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала