Хуссар Иры сывӕллӕтты омбудсмен: конкурс "Сывӕллон ӕмӕ барад" адарддӕр ис ноябры кӕрӕттӕм

© Sputnik / Ян ГабараевЦхуырбаты Татьяна
Цхуырбаты Татьяна - Sputnik Хуссар Ирыстон, 1920, 25.11.2021
Рафыссын
ЦХИНВАЛ, 25 ноя – Sputnik, Хъуылымбегты Зӕлинӕ. Хуссар Ирыстоны адарддӕр кодтой сывӕллӕтты нывты конкурс, кӕцы нывонд у сывӕллӕтты Ӕппӕтдунейон бонӕн, фехъусын кодта Sputnik Хуссар Ирыстоны президенты ӕххӕстбарджын сывӕллӕтты барты фӕдыл Цхуырбаты Татьяна.
Уый размӕ сывӕллӕтты омбудсмен расидт сывӕллӕтты нывты конкурс, кӕцыйы рӕстӕджы кӕстӕр фӕлтӕр хъуамӕ равдыстаиккой сӕ бартӕ гӕххӕттыл. Конкурсӕн хатдзӕгтӕ хъуамӕ скодтаиккой 20 ноябры сывӕллӕтты Ӕппӕтдунейон бон, фӕлӕ организатортӕ аскъуыддзаг кодтой адарддӕр ӕй кӕнын.
"Конкурс у ног, ӕмӕ алкӕцы сывӕллон йӕ тыххӕй нӕ базыдта, уый фӕдыл ӕй мах адарддӕр кодтам мӕйы кӕронмӕ", - банысан кодта Цхуырбаты Татьяна.
Йӕ ныхӕстӕм гӕсгӕ, сывӕллӕтты сӕйраг хӕслӕвӕрд у равдисын сӕ бартӕ гӕххӕттыл.
Цхуырбаты Татьяна бахахх кодта, сфӕлдыстадон конкурсы хайад райсын кӕй фӕнды, уыдон хъуамӕ бахӕссой сӕ куыстытӕ президенты администрацимӕ (фыццаг уӕладзыг) кӕнӕ сӕ радтой сӕ скъолаты завучтӕ-организатортӕм.
Ног хабӕртты лентӕ
0