Митуард нӕ бандӕвта фӕндагон змӕлдыл Транскамыл - Хуссар Иры УУМ

© SputnikТранскам
Транскам - Sputnik Хуссар Ирыстон, 1920, 26.11.2021
ЦХИНВАЛ, 26 ноя – Sputnik, Козаты Диана. Хуссар Ирыстоны Уӕлвӕткон уавӕрты министрады радгӕсон хайады фехъусын кодтой, зӕгъгӕ, чысыл митуардмӕ ӕнӕкӕсгӕйӕ, Транскавказаг автомагистраль кусы хуымӕтӕг режимы.
Майрӕмбоны ӕхсӕвы Цхинвалы ӕруарыд фыццаг мит. Митуард уыд Ручъы тоннелы хуссарфарс дӕр.
"Фӕндаг гом у, уары дзы чысыл мит, фӕлӕ уый нӕ бандӕвта Транскамы куыстыл. Ӕрмӕст курӕм шофыртӕй, цӕмӕй балцы размӕ развӕлгъау раивой сӕ хӕдтулгӕты цӕлхытӕ зымӕгонтӕм ӕмӕ сӕ хъус дарой ӕдасдзинадмӕ", - загътой радгӕсон хайады.
Уагдоны ма бафтыдтой, зӕгъгӕ, Паддзахадон автоинспекцийы кусджыты дӕр бафӕдзӕхстой, цӕмӕй сӕрдыгон цӕлхытимӕ хӕдтулгӕты ма уадзой Транскамыл.
Радгӕсоны ныхӕстӕм гӕсгӕ, уыдон адзырдтой сӕ цӕгатирыстойнаг коллегӕтӕм дӕ, кӕцытӕ сын фехъусын кодтой, уыцы фарс дӕр трассӕ кӕй кусы ӕнӕ къуыхцытӕй, ӕрмӕст ранӕй-рӕтты фӕндаг у их. Фӕндагон службӕтӕ ӕппынӕдзух сӕ хъус дарынц автомагистралы уавӕрмӕ.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала