Фильм "Разжимая кулаки" райста дыууӕ хорзӕхы Францы кинофестивалы

© Нон-Стоп Продакшн, AR ContentФильм "Разжимая кулаки"
Фильм Разжимая кулаки - Sputnik Хуссар Ирыстон, 1920, 29.11.2021
ЦХИНВАЛ, 28 ноя - Sputnik. Кира Коваленкойы фильм, кӕцы Уӕрӕсейӕ раразмӕ кодтой "Оскар"-мӕ, райста дыууӕ хорзӕхы уӕрӕсейаг кинойӕн нывонд фестивалы Онфлеры.
Фильм "Разжимая кулаки" райста фестивы Гран-при, Æгъуызарты Милана та - сӕйраг роль ӕххӕстгӕнӕг - рамбылдта приз хуыздӕр сылгоймаджы ролы тыххӕй.
Кинолентæ "Разжимая кулаки", кæцы систа режиссер Кира Коваленко, нырмæ рамбылдта Каннаг кинофестивалы сæйрагдæр бакасттæй иу "Особый взгляд"- ы. Уым æвдыст цæуынц, ныййарæджы хъусдард зæнæгмæ æмбæлон арæнтæй куы ахизы, ахæм ахастытæ.
Сæйраг хъайтартæ - трагикъон цауты фæстæ цæгатирыстойнаг шахтерты сахар Мызуры чи æрцард, уыцы бинонтæ. Сюжеты астæумагъз – фыд æмæ йе ‘ртæ сывæллоны ‘хсæн зын æмахастытæ. Лӕгӕн ис дыууӕ фырты ӕмӕ иу чызг, кӕцыты хъомыл кӕны тызмӕгӕй. Йӕ уарзондзинадӕй фыд "хурх" кӕны йӕ чызджы, йӕхицӕй йӕ никуыдӕм уадзы. Чызджы фӕнды алидзын хӕдзарӕй, фӕлӕ фыды амынӕтӕй зын фервӕзӕн у.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала