Дзауы поселочы ивынц донифтонгады хӕтӕлтӕ

© Sputnik / Natalia AiriyanДзау
Дзау - Sputnik Хуссар Ирыстон, 1920, 30.11.2021
Рафыссын
ЦХИНВАЛ, 30 ноя - Sputnik, Гӕбӕраты Элина. Дзауы районы коммуналон службӕтӕ ивынц зӕххыбын коммуникацитӕ Хуссар Ирыстоны Дзауы поселочы. ПТРК "ИР" куыд хъусын кӕны, афтӕмӕй донифтонгады хӕтӕлтӕ нал бӕззыдысты, сарӕх сты аваритӕ, уый фӕдыл коммуналон кусджытӕ бавнӕлдтой сӕ ивынмӕ.
Уынджы дӕргъ, кӕцыйыл уагъд цӕуынц куыстытӕ, у 315 метры, ӕдӕппӕт дзы цӕрынц 15 бинонтӕ.
"Нӕ кусджытӕ дыууӕ къуырийы размӕ бавнӕлдтой куыстытӕм Фӕскомцӕдисы уынгыл. Кусджытӕ куыстой улӕфт бонты дӕр, ӕмӕ ныр ацы уынджы алкӕцы хӕдзармӕ дӕр баиу кодтой ног хӕтӕлтӕ", - радзырдта Дзауы районы ЦКХ сӕргълӕууӕг Цхуырбаты Тамерлан.
Куыстытӕ иууылдӕр уагъд цӕуынц районы администрацийы коммуналон службӕты тыхтӕй.
Амӕйразмӕ Дзауы районы администрацийы сӕргълӕууӕг Джиоты Андрей фехъусын кодта Sputnik, районы мидӕггагон бюджетмӕ гӕсгӕ нывӕзты ис бирӕ куыстытӕ, сӕ нымӕцы хъӕуы фӕндӕгты цалцӕг.
Районы сӕргълӕууӕг бафтыдта, сӕйраг хъусдард здӕхт цӕуы арӕнгӕрон ӕмӕ дӕрддзӕф цӕрӕг пункттӕм. Уым сарӕзтой хидтӕ, сцалцӕг кодтой фӕндаг ӕмӕ рауагътой дон.
Ног хабӕртты лентӕ
0