Ирон армрестлертӕ рамбылдтой 10 хорзӕхы дунейы чемпионаты Венгрийы

© Пресс-служба министерства спорта РСО-АланияИрон армрестлертӕ рамбылдтой 10 хорзӕхы дунейы чемпионаты Венгрийы
Ирон армрестлертӕ рамбылдтой 10 хорзӕхы дунейы чемпионаты Венгрийы - Sputnik Хуссар Ирыстон, 1920, 03.12.2021
ЦХИНВАЛ, 3 дек — Sputnik. Ирон спортсментӕ Золойты Алан ӕмӕ Цереккаты Роман рамбылдтой сыгъзӕрин майдантӕ дунейы чемпионаты армрестлингӕй, хъусын кӕны Цӕгат Ирыстоны спорты министрады пресс-службӕ.
Бухаресты (Венгри) турниры цыппӕрӕмы, ирон спортсментӕ рамбылдтой дӕс хорзӕхы – ӕртӕ сыгъзӕрин, ӕхсӕз ӕвзист ӕмӕ иу бронзӕйон.
"Азы сӕйраг турниры иттӕг хорз ралӕууыд Золойты Алан (75 кг) – уый ссис дунейы чемпион галиу ӕмӕ рахиз къухӕй дӕр. Цереккаты Роман (60 кг) рамбылдта "сыгъзӕрин" ерысты рахиз къухӕй ӕмӕ "бронзӕ" та галиу къухӕй", - банысан кодтой пресс-службӕйы.
Афтӕ ма ерысты ӕвзист призертӕ ссисты Фӕрниаты Егор (65 кг) галиу ӕмӕ рахиз къухӕй, Таутиаты Георгий (85 кг) галиу къухӕй, Золойты Хадзымурӕт (90 кг) рахиз къухӕй ӕмӕ Каирты Мӕдинӕ (+90 кг) галиу ӕмӕ рахиз къухӕй.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала