Президенты хӕслӕвӕрд: Хуссар Иры 2022 азы фӕнд кӕнынц пенситӕ фӕфылдӕр кӕнын

© Sputnik / Павел Лисицын / Ахизын фотобанкмӕПенсиисӕг
Пенсиисӕг - Sputnik Хуссар Ирыстон, 1920, 06.12.2021
ЦХИНВАЛ, 6 дек – Sputnik, Козаты Диана. Хуссар Ирыстоны Социалон фонд кусы пенситӕ фӕфылдӕр кӕныны фарстыл, фехъусын кодта журналисттӕн фонды сӕргълӕууӕг Тедеты Олеся.
Раздӕр хицауады рабадтӕй иуы рӕстӕджы президент Бибылты Анатолий фехъусын кодта, кӕй радта хӕслӕвӕрд пенситӕ 7,7 проценты синдексаци кӕнын, ӕмӕ уый кӕй хъуамӕ суа ӕрвылазон. Уымӕй дарддӕр ма бӕстӕйы сӕргълӕууӕг бахӕс кодта "бакусын пенситӕн сӕхи дӕр фӕфылдӕр кӕныны фадӕттыл".
"Пенситӕ ныридӕгӕн дӕр ӕрцыдысты индексаци 7.7 проценты. Уымӕй дарддӕр ма президенты хӕслӕвӕрдмӕ гӕсгӕ, Соцфонд кусы, цӕмӕй 2022 азы дӕр фӕфылдӕр уой пенситӕ республикӕйы статистикон бӕрӕггӕнӕнты анализы бындурыл ӕмӕ пенсиисджыты нымӕцы фӕфылдӕр хынцгӕйӕ", - загъта Тедеты Олеся.
Йӕ ныхӕстӕм гӕсгӕ, банымадтытӕ президентмӕ барвитдзысты ӕввахс рӕстӕджы, фӕлӕ уыимӕ иумӕ нӕ банысан кодта, цас фӕфылдӕр уыдзысты пенситӕ.
Ныртӕккӕ республикӕйы астӕуккаг пенсийы бӕрц у 9500 сомӕй чысыл фылдӕр.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала