Хуссар Иры Ленингоры районы скуыста паддзахадон радио "Ир"

© Sputnik / Наталья АйриянЛенингор
Ленингор - Sputnik Хуссар Ирыстон, 1920, 08.12.2021
ЦХИНВАЛ, 8 дек – Sputnik, Плиты Фатимӕ. Хуссар Ирыстоны паддзахадон радио "Ир" скуыста Ленингоры районы, фехъусын кодта Sputnik уагдоны директор Цхуырбаты Алан.
Хуссар Ирыстоны иууыл рагондӕр дзыллон информацийы фӕрӕз рагӕй ӕвзӕрста зындзинӕдтӕ фидиуӕны тыгъдадимӕ.
"Президенты администрацийы ацыд фембӕлд ПТРК "Ир"-ы ӕмӕ бастдзинады комитеты разамынадимӕ. Ныхас цыд дӕрддзӕф районы паддзахадон радиойы уылӕн скусын кӕныныл. Хъуыддагыл бакуыстой ӕмӕ ӕртӕ боны ӕмгъуыдмӕ нӕ радио скуыста Ленингоры дӕр", - загъта Цхуырбаты Алан.
Паддзахадон радио "Ир"-ы куыст нырма къуыхцы кӕны Къуайса, Знауыр ӕмӕ Дзауы районты дӕр.
"Президенты администрацийы сӕрдар загъта, радон этап та кӕй суыдзӕн Къуайсайы радиойы куыст ныббиноныг кӕнын. Хӕххон бынаты цӕрӕм ӕмӕ йӕ ӕппӕт хъӕуты сыгъдӕгӕй скусын кӕнын фӕзын уыдзӕн, фӕлӕ районон центрты куы скуса, уӕд уыдзӕн хорз", - бафтыдта радиойы разамонӕг.
Уымимӕ иумӕ ма дзырд цӕуы, бастдзинады комитетӕн ӕрвылазон фӕрӕзтӕ рахицӕн кӕныныл, цӕмӕй сӕ хъус дарой радиойы фидиуӕнон ифтонгады куыстмӕ.
Гасситы Анна - Sputnik Хуссар Ирыстон, 1920, 31.05.2021
Гасситы Анна: радио "Ир-FM"-ы ӕнӕмӕнг хъуыд ирон ӕвзагыл эфир
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала