Хуссар Иры рауагъдонтӕ дӕттынц министрадон фӕлварӕнтӕ

© Sputnik / Natalia Airiyan Фӕлварӕн
Фӕлварӕн - Sputnik Хуссар Ирыстон, 1920, 13.12.2021
ЦХИНВАЛ, 13 дек – Sputnik, Гӕбӕраты Элина. Хуссар Ирыстоны хистӕркъласонтӕ, кӕцытӕ сты сыгъзӕрин ӕмӕ ӕвзист майдантӕм претенденттӕ, дӕттынц министрадон фӕлварӕнтӕ. Хуссар Ирыстоны Ахуырад ӕмӕ зонады министрады пресс-секретарь Плиты Яна куыд радзырдта Sputnik, афтӕмӕй министрадон фӕлварӕн куыстытӕ уагъд цӕуынц ацы аз фӕстӕдӕр карантинон мадзӕлтты тыххӕй, кӕцытӕ бакодтой республикӕйы ахуырадон уагдӕтты.
Хуссар Ирыстоны майдантӕм предентенттӕ сты 11 ахуырдзауы, кӕцытӕ ахуыр кӕнынц 11 кълӕсты ӕмӕ 49 та 10 кълӕсты.
"Сыгъзӕрин ӕмӕ ӕвзист майдантӕм кандидаттӕ фыссынц министрадон фӕлварӕн куыстытӕ уырыссаг ӕвзаг ӕмӕ матиматикӕйӕ. Каникулты фӕстӕ уыдон дарддӕр фысдзысты ахуырадон азы дыккаг ӕмӕ цыппӕрӕм хайы хатдзӕгтӕм гӕсгӕ. Афтӕмӕй уыдон ныффысдзысты минимум ӕртӕ фӕлварӕн куысты", - хъусын кӕны пресс-службӕ иумӕйаг ӕмӕ уӕлӕмхас ахуырады дӕлхайады хистӕр Джиоты Нинайы ныхӕстӕ.
Плиты Яна бафтыдта, зӕгъгӕ, кӕд алкӕцы предметӕй дӕр астӕуккаг бӕрӕггӕнӕн 3,5 баллӕй къаддӕр ма уа, уӕд ахуырдзау баззайдзӕн ӕвзист майданмӕ кандидатӕй.
"Кӕд 4,5 баллӕй къаддӕр ма сиса, уӕд та уыдзӕн сыгъзӕрин майданмӕ кандидат", - загъта министрады пресс-секретарь.
Афтӕ ма, сыгъзӕрин майданмӕ кандидатӕн хъуамӕ йӕ ныссӕнттӕ иууылдӕр уой фӕндзтӕ, ӕвзист майданмӕ претенденттӕн та хъуамӕ дыууӕ "цыппарӕй" фылдӕр ма уа.
"Фӕлварӕнты ӕртыккаг этап ацӕудзӕн фидӕн азы райдайӕны, уӕд рабӕрӕг уыдзысты майданты хицӕуттӕ дӕр", - банысан кодта Плиты Яна.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала