Ӕнцон аз нӕ уыд: Хуссар Иры "Симд"-ы минӕвӕрттӕ радзырдтой 2021 азы хатдзӕгтыл

© Sputnik / Natalia Airiyan "Симд"
Симд - Sputnik Хуссар Ирыстон, 1920, 14.12.2021
Рафыссын
ЦХИНВАЛ, 14 дек – Sputnik, Тъехты Дзерассӕ. Пандеми ӕмӕ арӕнӕвӕрдон мадзӕлттӕ, кӕцытӕ республикӕйы бакодтой коронавирусы апарахаты тыххӕй, бандӕвтой Хуссар Ирыстоны Паддзахадон ансамбль "Симд"-ы куыстыл. Уый тыххӕй Sputnik пресс-центры дыццӕджы радзырда коллективы аивадон къухдариуӕггӕнӕг Коцты Сергей. Йӕ ныхӕстӕм гӕсгӕ, коронавирусӕй рынчын уыдысты коллективы ӕрдӕг хайӕ фылдӕр.
Афтӕ ма ансамблы куыстыл бандӕвта реорганизаци дӕр – ацы аз августы раздӕры разамынадимӕ "Симд"-ӕй ацыдысты 12 адӕймаджы.

"Мах егъау куыст бакодтам август-сентябры. Артисттӕ равзарын ӕнцон нӕ уыд, кафджыты ӕвзӕрст цыдысты куыд бынӕттонтӕй, афтӕ ма Цӕгат Ирыстоны минӕвӕрттӕй дӕр. Фӕлӕ уӕддӕр равзӕрстам цалдӕр адӕймаджы 16-22 азы кары. Иу мӕймӕ коллективмӕ "бакӕнын" хъуыд аст ног адӕймаджы. Мах иттӕг хор куыст бакодтам ӕмӕ цӕсгомджынӕй ралӕууыдыстӕм Самарайы", - радзырдта Коцты Сергей.

Уый ма бафтыдта, зӕгъгӕ, "Симд"-ы артистты нымӕцимӕ – 55 адӕймаджы – зын у сӕххӕст кӕнын кӕсджыты домӕнтӕ.
Паддзахадон драмон театр - Sputnik Хуссар Ирыстон, 1920, 13.12.2021
Остъаты Аланы "Фӕстаг ӕвдисӕн": цӕуыл у спектакль
"Симд"-ы ног директор Харебаты Ацӕмӕз куыд банысан кодта, афтӕмӕй уый ныридӕгӕн бӕлвырдӕй зоны, ансамблы кӕй кусынц тынг курдиатджын адӕм.
"Мӕнӕн диссаг у, фӕстаг 30 азы цы уавӕрты цардыстӕм, уым куыд бавӕрдтам культурӕ – театр ӕмӕ "Симд". Гӕнӕн ис критикӕ кӕнын, фӕлӕ культурӕ кӕй нӕ фесӕфт, уый у иттӕг хорз", - бахахх кодта Харебаты Ацӕмӕз.
Директоримӕ сразы ансамблы солисткӕ Биазырты Алана дӕр ӕмӕ банысан кодта, коллективӕн ӕнцон аз кӕй нӕ уыд.
Биазырты Алана бафтыдта, зӕгъгӕ, карантинон арӕнӕвӕрдты аххосӕй аргъӕвтой бирӕ концерттӕ ӕмӕ ӕрмӕст знон, 13 декабры, ансамбль ногӕй ралӕууыд киноконцертон зал "Чермен"-ы преми "Ӕрфӕны фӕд" дӕттыны церемонийыл.
Ног хабӕртты лентӕ
0