Хуссар Иры ссардтой зӕйы бын бахауӕг уӕрӕсейаг ӕфсӕддоны мӕрдон буар

© Photo : Фото очевидцаХуссар Иры ссардтой зӕйы бын бахауӕг уӕрӕсейаг ӕфсӕддоны мӕрдон буар
Хуссар Иры ссардтой зӕйы бын бахауӕг уӕрӕсейаг ӕфсӕддоны мӕрдон буар - Sputnik Хуссар Ирыстон, 1920, 23.12.2021
ЦХИНВАЛ, 23 дек - Sputnik. Ирвӕзынгӕнджытӕ ссардтой уӕрӕсейаг ӕфсӕддоны мӕрдон буар, кӕцы ноджы цыппар ӕфсӕддонимӕ иумӕ бахаудта зӕйы бын Транскамы хуссарирыстойнаг фадыджы дыццӕджы, фехъусын кодтой Sputnik Хуссар Ирыстоны Уӕлвӕткон уавӕрты министрады (УУМ).

"Мӕрдон буар ссардтой цыппӕрӕмы, 12 сахатмӕ ӕввахс. Ирвӕзынгӕнӕн-агурӕн операци фӕцис", - загъта УУМ сӕргълӕууӕджы фыццаг хӕдивӕг Бестауты Ацӕмӕз.

Куыстытӕ уагъд цыдысты Ручъы тоннелы хуссар порталы цур, цы ран дыццӕджы зӕй ӕрцыд фондз уӕрӕсейаг ӕфсӕддоны постыл. Уыдонӕй дыууӕйы фервӕзын кодтой, ӕртӕйӕ та амардысты.
Хуссар ӕмӕ Цӕгат Ирыстоны ирвӕзынгӕнджытимӕ иумӕ куыстыты хайад истой уӕрӕсейаг ӕфсӕддонтӕ – зӕйы бын фӕцис хӕстон техникӕ дӕр.
Транскавказаг автомагистралыл фӕндагон змӕлд ӕхгӕд у къуырисӕры, 20 декабры, 10.00 сахатӕй фӕстӕмӕ автотранспорты алы хуызтӕн дӕр зӕйтӕ ӕрцӕуыны тас ӕмӕ митуарды тыххӕй.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала