Хуссар Иры хицауад рахицӕн кодта фӕрӕзтӕ вакцинӕ ӕмӕ медиктӕн фиддонтӕн

© Пресс-служба ЮВО РФВакцинаци
Вакцинаци - Sputnik Хуссар Ирыстон, 1920, 29.12.2021
ЦХИНВАЛ, 29 дек – Sputnik, Козаты Диана. Хуссар Ирыстоны хицауад рахицӕн кодта йӕ фӕстауӕрцон фондӕй финансон фӕрӕзтӕ медиктӕн фиддонтӕн коронавирусимӕ тохы тыххӕй ӕмӕ вакцинӕтӕ балхӕнынӕн.
Коронавирусимӕ тохы тыххӕй медиктӕн ивгъуыд ӕртӕ мӕйы фиддонтӕн рахицӕн кодтой 20 милуан сомы. Декабры фиддонтӕ ратдзысты январы.
Парламент  - Sputnik Хуссар Ирыстон, 1920, 24.12.2021
Парламент райста ивындзинӕдтӕ Хуссар Иры бюджетмӕ
Ноджы ма ӕртӕ милуан сомы рахицӕн кодтой уӕрӕсейаг вакцинӕтӕ "Спутник V" ӕмӕ "Спутник Лайт" балхӕнын.
Медикаменттӕ, хардзгӕнӕн ӕрмӕджытӕ ӕмӕ сӕрмагонд хъахъхъӕнынады фӕрӕзтӕ балхӕнынӕн ацӕудзӕн 12 милуан сомӕй чысыл къаддӕр. Хицауады сӕрдар Бекъойты Геннадий куыд банысан кодта, афтӕмӕй уыдон сты фӕрӕзты хай, кӕцытӕ уый размӕ Уӕрӕсе рахицӕн кодта коронавирусы апарахат ма руадзынӕн республикӕйы территорийыл.
УУМ сӕргълӕууӕг Цоциты Азӕмӕт банысан кодта, Ӕнӕниздзинад хъахъхъӕнынады министрадӕн кӕй хъӕуы балхӕнын транспорт дӕр туаггуыр ласынӕн.
"Нырма ууыл архайы УУМ, транспорт фехӕлы, ӕмӕ махӕн ничи бафиды уыцы хӕрдзтӕ. Ацы вирус никуыдӕм ацӕудзӕн, ӕмӕ фарст хъӕуы асъкуыддзаг кӕнын", - загъта Цоциты Азӕмӕт.
Йӕ ныхӕстӕм гӕсгӕ, ахӕм транспорты аргъ у фараст милуанмӕ ӕввахс. Премьер-министр баныфсӕвӕрдта, кӕд ахӕм фадӕттӕ нырма нӕй, уӕд фидӕн аз хицауад бафӕлвардзӕн аскъуыддзаг кӕнын ацы фарст.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала