Хуыгаты Анатолий: рауагъдады чингуытӕн сӕ 90% сты ирон ӕвзагыл

Мыхуыры хӕдзары паддзахадон чингуыты рауагъдады сӕйраг редактор Хуыгаты Анатолий радио Sputnik Хуссар Ирыстоны интервьюйы банысан кодта, мыхуыры цы чингуытӕ рацӕуынц, уыдонӕн сӕ 90% кӕй у ирон ӕвзагыл.
"Раздӕр дӕр ӕмӕ ныры дуджы дӕр ирон чиныгӕн ныхдуртӕ махмӕ ничи ӕвӕрдта, ӕгӕрыстӕмӕй ма уӕззау ӕзты хӕст куы цыд, уӕддӕр архайдтам чингуытӕ рауадзыныл", - загъта Анатолий.
Рауагъдады сӕйраг редактор куыд радзырдта, уымӕ гӕсгӕ фӕстаг 10 азы дӕргъы Мыхуыры хӕдзары рауагътой 100 чиныгӕй фылдӕр.
Хуыгаты Анатолийы ныхӕстӕм гӕсгӕ, чингуытӕ мыхуыр кӕныны хъуыддаг баст у, паддзахадон мыхуыр ӕмӕ информацийы комитеты цы рауагъдадон къамис ис, ууыл.
"Къамис аскуыддзаг кӕны, цал чиныджы рауадзын бауыдзӕн сӕ бон, уый. Цъус нын ныхдуртӕ ис, уымӕн ӕмӕ 2008 азӕй ӕхцайы фӕрӕзтӕ хицӕн кодтой 4 милуан ӕмӕ 600 мин сомы бӕрц, уый фӕстӕ сӕ цӕмӕдӕр гӕсгӕ фӕкъаддӕр кодтой 2 милуан ӕмӕ 600 мин сомы онг", - бафиппайдта Хуыгаты Анатолий.
Рауагъдады сӕйраг редакторы ныхӕстӕм гӕсгӕ, афӕдзы дӕргъы мыхуыры цы чингуытӕ уагъд цӕуы, уыдон нымӕц фылдӕр куы уа, уӕд фысджытӕн дӕр уый у уӕлдай стимул.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала