Хӕныкъаты Лариса: практикӕ ӕвдисы, сабитӕ ӕнцондӕрӕй кӕй ахӕссынц COVID-19

Ныры дуг нын йӕ хӕрзиуджытӕй дарддӕр балӕвар кодта карз формӕ ног низ - COVID-19, кӕцы апарахат ис ӕнӕхъӕн дунейыл. Кӕд ӕмӕ дзы йӕ райдайӕны фылдӕр бӕрцӕй хистӕр кары адӕм рынчын кодтой, уӕд ныр та сывӕллӕттӕ дӕр арӕх фӕрынчын вӕййынц. Республикӕйы сӕйраг педиатр Хӕныкъаты Лариса куыд радзырдта, уымӕ гӕсгӕ сывӕллӕттӕ ӕнцондӕрӕй ахӕссынц коронавирусы инфекци.

"Коронавирус зын у ахицӕн кӕнын респираторон вирусӕй, уымӕн ӕмӕ сын ӕмхуызон бӕрӕггӕнӕнтӕ ис, ӕмӕ уый тыххӕй ӕнӕмӕнг хъӕуы сыразын ПЦР-тест, лабораторон анализтӕ", - загъта сӕйраг педиатр.

Хӕныкъаты Лариса куыд банысан кодта, афтӕмӕй коронавирусы инфекци адӕймагӕн йӕ алы уӕнг дӕр бахъыгдары, фӕлӕ рӕстӕг ӕмӕ практикӕ ӕвдисынц, сывӕллӕтӕн пневмони стӕмдӕр хатт кӕй вӕййы.
"Уымӕ ӕнӕкӕсгӕйӕ сывӕллӕттӕн хъӕуы хос кӕнын, цӕмӕй низ мацы фӕд ныууадза", - бафиппайдта дохтыр.
Сабитӕн цавӕр формӕ хоскӕнын хъӕуы - стационарон ӕви амбулаторон, уый бӕрӕг кӕнынц рынчыны уавӕрмӕ гӕсгӕ.
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала