Хуссар Иры Къуыдаргомы фӕфылдӕр ис коронавирусӕй рынчынты нымӕц

© Sputnik / Наталья АйриянКъуаиса
Къуаиса - Sputnik Хуссар Ирыстон, 1920, 20.01.2022
Бафыссын
Yandex newsTelegram
ЦХИНВАЛ, 20 янв - Sputnik, Плиты Фатимӕ. Хуссар Ирыстон Къуыдаргомы азы райдайӕны фӕфылдӕр сты коронавирусӕй рынчынтӕ, фехъусын кодта Къуаисайы рынчындоны сӕйраг дохтыр Цхуырбаты Ульяна.

"Ног азы къӕсӕрыл нӕм уыд ӕрмӕст иу рынчын, абон рынчындоны хуыссы цыппар адӕймаджы, ноджы дыууӕйӕ хос кӕнынц хӕдзӕртты. Се 'хсӕн дыууӕ ӕвгъӕддон сылгоймаджы", - загъта уый.

Сӕйраг дохтыр ма бафтыдта, медперсонал кӕй архайынц, цӕмӕй бынаты схос кӕной сӕ рынчынтӕн.
"Фылдӕр бӕрцӕй сын хос кӕнӕм бынаты, иууыл уӕззӕутты ӕрвитӕм Цхинвалмӕ. Туаггуыр нӕм ис баллонты, медикаменттӕ дӕр ис, фӕлӕ ӕххӕстӕй не сты", - бафтыдта медик.
Къуаисайы ныридӕгӕн коронавирусы ныхмӕ вакацинӕ саразта ӕрмӕст 34 адӕймаджы.
Ног хабӕртты лентӕ
0