Хуссар Иры ӕнтыстджынӕй ацыд спектакль "Фӕстаг ӕвдисӕн"-ы премьерӕ

© Sputnik / Natalia Airiyanспектакль "Фӕстаг ӕвдисӕн"
спектакль Фӕстаг ӕвдисӕн - Sputnik Хуссар Ирыстон, 1920, 21.01.2022
Бафыссын
Yandex newsTelegram
ЦХИНВАЛ, 21 янв - Sputnik, Тъехты Дзерассӕ. Цхинвалы Хетӕгкаты Къостайы номыл Паддзахадон драмон театры цыппӕрӕмы изӕры ацыд спектакль "Фӕстаг ӕвдисӕн"-ы премьерӕ, кӕцыйы дзырд цӕуы ивгъуыд ӕнусы 20-ӕм азты ирӕтты геноцидыл.
Фыццаг равдыст ӕрӕмбырд кодта кӕсджыты ӕнӕхъӕн зал, кӕцытӕ цымыдисонӕй кастысты спектакльмӕ. Ӕртӕ сахаты дӕргъы адӕмы зӕрдӕтӕ рыстысты ирон адӕмы трагедийыл. Ӕрӕмбырдуӕвджытӕ федтой сценӕйыл ӕвирхъау цаутӕ, кӕцытӕ ӕрцыдысты Ирыстоны зӕххыл иу ӕнусӕй фылдӕры размӕ.
© Sputnik / Natalia Airiyanспектакль "Фӕстаг ӕвдисӕн"
Спектакль Последний свидетель - Sputnik Хуссар Ирыстон, 1920, 21.01.2022
спектакль "Фӕстаг ӕвдисӕн"
Спектаклы фӕстӕ кӕсджытӕ лӕугӕйӕ къухӕмдзӕгъд кодтой цалдӕр минуты дӕргъы актертӕн.
Премьерӕмӕ бацыдысты Хуссар Ирыстоны президент Бибылты Анатолий, Уӕрӕсейы минӕвар республикӕйы Марат Кулахметов ӕмӕ Цӕгат Ирыстоны парламенты сӕрдар Алексей Мачнев, кӕцыты номӕй сценӕмӕ рахастой ӕртӕ къалати дидинтимӕ.
Паддзахады сӕргълӕууӕг загъта бузныг актертӕн ӕмӕ спектаклы авторӕн.
"Ацы хъайтартӕ сӕ цӕрдтӕ радтой нӕ ирд фидӕны сӕраппонд. 20-ӕм азтӕй 2008 азы онг ирӕттӕ бавзӕрстой бирӕ зындзинӕдтӕ, фӕлӕ сӕ мах сфӕрӕзтам, уымӕн ӕмӕ нӕ афтӕ сфӕлдыста Хуыцау" – загъта Бибылты Анатолий.
Президент сӕрмагонд бузныг загъта пьесӕйы автор Остъаты Аланӕн ӕмӕ банысан кодта, алчидӕр кӕй хъуамӕ бафӕрса йӕ чиныг.
© Sputnik / Natalia Airiyanспектакль "Фӕстаг ӕвдисӕн"
Спектакль Последний свидетель - Sputnik Хуссар Ирыстон, 1920, 21.01.2022
спектакль "Фӕстаг ӕвдисӕн"
Уӕрӕсейы минӕвар Хуссар Ирыстоны Марат Кулахметовы ныхӕстӕм гӕсгӕ, кӕсджыты реакци пьесӕмӕ у режиссертӕ ӕмӕ театралон къорды куысты фӕстиуӕг.
"Иттӕг хорз куыст бакодтой. Уырны нӕ, нӕ театр кӕй басаста радон бӕрзӕнд. Ацы спектакль бацӕудзӕн Паддзахадон драмон театры сыгъзӕрин коллекцимӕ", - бахахх кодта минӕвар.
Бузныджы ныхӕстӕ загъта Алексей Мачнев дӕр ӕмӕ бафтыдта, зӕгъгӕ, йын зын у дзурын ахӕм уӕззау спектаклы фӕстӕ.
Спектаклы ӕдӕппӕт архайы 70 адӕймаджы - алкӕцы дӕр дзы йӕхи бынаты ӕххӕст кӕны сӕрмагонд хӕс ӕмӕ нысаниуӕг. Гуырахстджын спектаклы театры труппӕйӕ дарддӕр архайынц театралон факультеты студенттӕ ӕмӕ ахуырдзаутӕ.
Спектаклмӕ музыкӕ ныффыста композитор Плиты Мурӕт.
© Sputnik / Natalia Airiyanспектакль "Фӕстаг ӕвдисӕн"
Спектакль Последний свидетель - Sputnik Хуссар Ирыстон, 1920, 21.01.2022
спектакль "Фӕстаг ӕвдисӕн"
Ног хабӕртты лентӕ
0